後天,就是了。
個個朋友都叫我咪再忙了,應該休息至大日子來臨,冇計啦,鬼叫我咁多嘢仲未搞掂咩。
今早9:00起身,忙了12小時,同肥佬二人四出奔走:
1/ 到銀行唱錢,入利是 (兄弟姊妹、酒樓員工、攝影師、化妝師、樓下看更、司機........超濕碎!)
2/ 郅酒樓試碟、派定封大利是俾當日打點的經理,等佢正日那天識做d!
3/ 定座位表、酒樓FLOORPLAN
4/ 趕埋我的DIY回禮小禮物 (勁"吻"水!!)
5/ 為當天的所有花車 pre-register入我家屋苑
6/ 陪肥佬去剪髮 (勁"吻"水!!!!)
7/ 買定當天要用的文具
好攰,到而家10:30,終於可以敷住塊mask、座在梳化上寫下blog,這是我今天最relax的時間。
不過忙就忙,今天與肥佬入利是給兄弟姊妹的時候,我們都在利是封上為每位兄弟姊妹寫上與別不同的多謝說話,很開心,很期待送給他們的那一刻。
明天仲忙,要去攞婚紗晚裝、攞褂、攞頭飾同ACCESSORIES、攞男禮、攞定D decoration物資去酒樓、攞花球、攞花車............................
咁多嘢做,要瞓了..........早抖!
你真係要好好抖抖啦今晚....預祝你聽日順順利利, 甜甜蜜蜜~
回覆刪除[版主回覆09/21/2009 00:08:00]THANKS!!!! Kiss Kiss...........
加油呀, polly!! 期待妳的大日子來臨, 之後要分享多D心得比我地丫!! ^o^
回覆刪除[版主回覆09/21/2009 00:08:00]一定啦!!我一定會知無不言言無不盡啦!!
加油呀! 祝明天一切順順利利, 陽光普照, 明艷照人!
回覆刪除記住早d 休息 & 敷返個超補濕 mask!!!
[版主回覆09/21/2009 00:08:00]多謝你呀......而家敷緊了...倒數一日我梗係要上blog度寫埋今晚啦