SURPRISE! MY honeymoon

老公: 喂，我地幾時去旅行好呀?

我: 唔知呀，你話你plan o既....

老公: 你冇意見呀，咁我話事喇，反正我 plan好咗了，去紐西蘭。

我: 係呀，幾時呀?

.......................

...............................................

....................................................................................

.............................................................................................................................

老公: 聽日囉。

 

 

痴線!!!!! super crazy!!!!!! 非常odd!!! 我只能好大聲回答一句 "吓????!!!!!!!"

 

老公呢個驚喜真係超大!!!明天? 我連o個邊天氣點都未知!! 我仲未同公司攞假，仲一去去成10日。驚喜之餘都真係 "驚o家"，老闆唔批咁點?公司d 嘢點算?? 死喇死死喇死喇.........................

好在我同老闆講完要immediately攞假............佢的反應比我想像中平靜:

"只要d嘢安排好，都冇問題o既，難得你老公咁鬼馬............."

 

好嘢!!

今晚d嘢有排執!!現在o個邊好似是凍凍地，好亂，要預備d乜? 唉........衰佬! 俾佢玩死

 

 

解究我的...回禮小禮物

今日好得意! 婚後第一天上班，見到同事他們的第一句話也是 "唔係呀話見倒你!!!!"，哈哈! 冇計啦我要留番d假期唻去 honeymoon!

不過回響甚大的依然是我的回禮小禮物，hehe，我都預咗了

婚前幾天還在努力地趕製著我的DIY小禮物，做到深夜時，真係好想寫BLOG透露這份小禮物的秘密，但又不想朋友預先知道而失去神秘感了，真係忍得好辛苦!

它是什麼?

運用了自己工作上學到的東西，加上公司的SUPPORT，為各位賓客親自做了這支呢世人只做一批、獨一無二、REGENE舖頭也買不到的 "HOLDING YOUR HAND CREAM"。

多謝好姊妹PUI LING的幫手，強忍著肉麻內容為我印製外盒，haha!!

MY 9.21

仍在回味我的9.21。

九個月的籌備，一天的回憶，一世的回味。

很感謝我的18個兄弟姊妹。冇佢地的幫忙，我同老公都 "哪手唔成勢"。

早上六點起床梳洗，等候化妝師到來。9:30am接新娘了，只能在房偷聽到" 笑聲"，眼又看不見，真的很心癢!!!

很感謝天公造美，早上出門天晴，沒有下雨，順利地駕著開蓬MINI COOPER花車出門到男家。

到我和老公回門至女家樓下、有瓦遮頭的十秒後便倒水咁落，真係關照。

取消了戶外婚照的一環，著實可惜 (浪費了我一心聘請的freelance photographer Frankie)，早點去晚宴場地，打算抽個空在裝橫也不錯的鴻星到處影些snapshot，原來也不易呢，算了吧，結婚日都係多點同親屬好友拍照留念較好。

Match-in了，我與老公在場外等候，聽到成長片段的播放，賓客的笑聲，很興奮，也很緊張。聽到司儀叫我們進場，spotlight打到我倆身上，去啦!

賓客的歡呼聲、禮炮的響聲，教我很回味。我被頭紗蓋著，視線是濛濛的，只顧得與兩旁的賓客揮手。整個人的心情natural high起來。

律師替我倆証婚，我十分緊張。老公的手搭著我的腰叫我放鬆。聽到老公回答律師的 "我願意"，我哭了。聽到老公的誓詞，"無論將來順逆、貧窮、疾苦，我願意一世的照顧你"，我又哭了。由我講誓詞了，我也可以強忍的，唯獨是，讀到最後的一句，"我願意嫁你為合法丈夫"，我停頓了。我哭得不能讀下去，要深呼吸一口氣才可以完成呢。

祝酒後，我完全忘記了切蛋糕後一定會做的一個環節，"講感受"! 沒有好好預備，吐出的每字每句，是不經修飾的，但確是我的心底話。

多謝我的父母，一開口便哭了，難怪每個新人攞起支咪講感受時，一提到父母便是喊位! 現在完全了解這種感受!! 唯一是估不到老公感謝他媽媽的一番話，會令他自己哭得這麼利害，令從來估唔到堅強的老公有這樣的一面的我，看著他的臉而被融化了，相擁而哭。(後來我的朋友及同事說這環節太touching，整喊哂佢地)

開席後的第二道菜，我便要換衫補妝，由於喊過，都要大執一番。想不到換完衫一出唻，便安排坐在台上的一張椅上。毫無準備地迎接了老公的一首SONG-TO-ME (多謝替他鋼琴編曲伴奏的朋友IRENE)，還有一束我真係........真係真係.......想不到的99枝玫瑰。教我如何忍下去，又..........哭了! 衰咗!!

為何估不到呢? 因為他說他的一生人，只會送一次花，就是求婚。求婚時我已收過了，所以，99玫瑰的夢，原以為真的............呢世也不會發生了。

SURPRISE過後，我真的SUPER HIGH! 加上是敬酒環節，我還挑釁我的賓客向我隊酒! (後來老公說他的同事說 "你老婆很豪氣!!!" )

散席前，留在台上與某些賓客補影合照，誰不知晚裝竟然爆拉鏈!!! 令我全程不敢動，要化妝師及姊妹打救!! 足足企在台上搞了10多分鐘，才勉強 "行倒"。但好可惜，有些好友都以為我忙著於台上影相，等不到我送客便走了。這裡要說句對不起!!!

十二點半，回家了。婚宴結束了，變成回憶。

整晚睡不著，不停回味，回味時又哭一哭，是開心的眼淚。

相信這種感覺會持續好一陣子了。

倒數1天...........

倒數...............一天了!!

又是忙了一天，攞衫攞褂攞頭飾攞首飾攞花車攞花球.........回家pack嘢寫checklist.........final check完再final check.............終於忙哂!

用完椂柚葉沖涼，著上大紅大紫的上頭睡衣及拖鞋.............點上龍鳳燭.........放好子孫尺....放好三碗湯丸......

等候肥佬打電話來，開著hand free.........聽到奶奶為他上頭的 "一梳梳到尾.....二梳白髮齊眉.....三梳........"之際，就到我媽媽為我上頭說 "一梳梳到尾..................."﹐夾好扁柏。

好開心，好熱鬧，因為成家人 (連我妹妹的男友) 也看著我上頭，之後全家人陪我吃湯丸，呢一刻真係好warm呀!

現在正敷著補濕mask，打埋呢篇 "倒數一天"的blog，明天，便是籌備了9個月的收成日了。

看著這套褂，看著頭上的扁柏，看著這堆金器，期待明天瞓醒的一刻!

各位，早抖................

 

 

倒數2天....仲忙著

後天，就是了。

個個朋友都叫我咪再忙了，應該休息至大日子來臨，冇計啦，鬼叫我咁多嘢仲未搞掂咩。

今早9:00起身，忙了12小時，同肥佬二人四出奔走:

1/ 到銀行唱錢，入利是 (兄弟姊妹、酒樓員工、攝影師、化妝師、樓下看更、司機........超濕碎!)

2/ 郅酒樓試碟、派定封大利是俾當日打點的經理，等佢正日那天識做d!

3/ 定座位表、酒樓FLOORPLAN

4/ 趕埋我的DIY回禮小禮物 (勁"吻"水!!)

5/ 為當天的所有花車 pre-register入我家屋苑

6/ 陪肥佬去剪髮 (勁"吻"水!!!!)

7/ 買定當天要用的文具

好攰，到而家10:30，終於可以敷住塊mask、座在梳化上寫下blog，這是我今天最relax的時間。

不過忙就忙，今天與肥佬入利是給兄弟姊妹的時候，我們都在利是封上為每位兄弟姊妹寫上與別不同的多謝說話，很開心，很期待送給他們的那一刻。

明天仲忙，要去攞婚紗晚裝、攞褂、攞頭飾同ACCESSORIES、攞男禮、攞定D decoration物資去酒樓、攞花球、攞花車............................

咁多嘢做，要瞓了..........早抖!

 

 

倒數3日.....

倒數前3日，大把嘢仲未買，心情忐忑，好驚d嘢會太趕，終於都係向公司攞了半天假去籌備婚事。

2:00-4:00pm: 整水晶甲 (好抵! 原本應要$398，但個女仔修甲時唔小心剪到我流血，我講咗一句"好痛"，最後她只收了我$338!!)

4:00pm-5:40pm: 到金都買了上頭扁柏、婚紗手套、啤牌(好抵，6副40蚊咋)、全盒、紅棗蓮子蓮藕、紅綠豆米、副花車decoration、買新bra同新un結婚當天著(阿媽要喎)、替媽咪額外租過一塊高貴d又襯d o既披肩 (顯卓跟俾佢的塊感覺太普通)

6:00pm-7:00pm: 約了MUA JOJO揀WG + EG + 褂的頭飾同額外租飾物 (佢offer了很好的價錢給我，高檔款式的水晶頸配耳環也只是$80蚊一套!!!我在金都看肉肉酸酸的也要數百呀!!)

夜晚join埋肥佬，再DETAIL地傾一次schedule表。剛好攝影師 Frankie send sms給我說已把成長片段的video upload上網了，我與肥佬馬上download看了一次。

感覺................................很激動!

其實內容冇乜好特別，但...........看到自己，由小朋友、到中學、到大學、到同肥佬拍拖...............到今天...........一點一滴，湊在一起..............令我回憶甚深。

原來我自己，眨下眼，便過了咁多年，擁有咁多朋友，咁多經歷...........過埋呢幾天，便去到人生的另一階段。

期待....................................

 

倒數5日..........風.....繼續吹?!!

巨爵..........你走咗咪好囉......做乜今日仲咁大雨o家!!

我同事仲同我講咗個壞消息，她說看到天文台，又有一個超級颱風叫"彩雲"唻緊，一係吹唻香港，或者台灣!! 勁過巨爵先生!!

我真係好驚呀，馬上整咗三個細細的晴天娃娃，掛咗o係office的窗邊，老闆見倒我都唔理得咁多，阻我者...............殺!!!! 結婚大過天!!

掛咗半個鐘，突然行埋雷o添!! 仲大雨到出唔倒去食lunch。

咁細個晴天娃娃都係唔照，即刻整多個大d o既放在櫃上，貼埋個 "黑超型爆太陽先生" 在玻璃窗，快d停雨啦!

四倍大的晴天娃娃加上黑超型爆太陽先生果然力度夠，20分鐘後停咗雨了，仲開始出太陽，同事話睇天文台，個"彩雲"好似會吹去日本。

我決定一路放佢地响度直至過埋BIG DAY!!

呢個做法雖然消極D，俾老闆見倒仲會暗裡偷笑有個白痴員工，不過我唔理喇，晴天娃娃、黑超太陽先生，靠你地照住我喇!!

倒數6日....巨B花女!

我的花女，除了有姨生女琳琳，當然唔少得我的可愛女兒.....大檬啦!!

不過我唔想大檬著到老老積積咁，著D有哂LACE的花裙，佢係BB唻，咁著成件事娘咗!

同肥佬周圍搵童裝，想找件可愛的T-恤，但女仔feel D的，終於在太子的小檔口找到了一件很合我心水的。老闆問我小朋友幾多歲，我例牌答唔出，永遠只說"最大的SIZE有幾大?"

最衰佢又唔齊碼，由6歲一跳便是大得我也著得落!!唯有買咗呢件大人也啱著的童裝，回家找我最信賴的改衫師傅 "顧太"搞掂佢啦。

顧太話幫身型古怪的大檬改衣真的是非常棘手!! 西瓜咁大的頭 + 三歲小朋友的身高 + 25吋肥腰，唔係見我是為咗結婚整俾佢著都唔幫我接呢個 "JOB" 呢!!

等了一個星期，終於改好了!! 細心的顧太把領位拆開再加上啪鈕，讓我替大檬著衫時領位可穿過她的西瓜頭但又可以啪番好不用變 "whe" 領，果然是我最信任的改衣阿姐!!

大檬............你好靚女呀!!!

 

倒數7日...風!

婚禮倒數的前七天............點解?

點解會突然八號波o家??? 如果是下星期一打風，我現在一定很不開心呢!!

希望有咩風風雨雨，呢個week快些落哂佢，保佑我下星期一要天晴呀!!

雖然我也相信婚姻一定會經歷一點風雨，但也不是第一天便唻料掛?!!

快d落波...快d落波...快d落波...快d落波.............

 

倒數10...

倒數前10天，由於老闆不在公司冇人煩我，爭分奪秒的我由9:30am到而家6:30pm都o係度做私人嘢!! (冇計，我唔夠時間喇)

1/ 我的神秘回禮小禮物終於有機會 "面世"，由於太遲先決定倒 "可以出世"，所以今日好似工廠阿姐咁整整整..........

2/ confirm MUA final meeting and揀頭飾

3/ contact photographer Frankie跟進成長片段的制作

4/ contact CAKE2改蛋糕的color

5/ book時間到顯卓final fitting

6/ 約人攞帖!! (好efficient呀，派埋今晚派哂了)

明天去顯卓fitting同揀accessories，唔知佢d accessories靚唔靚o既呢? 其實我睇中咗一條680蚊的水晶頸鍊，仲掙扎緊好冇買! (戴一次咋喎!!)

如果明天看見顯卓的accessories都ok，就唔買啦!!

 

不過我諗即使佢地的ok，我都係忍唔自買o家喇..................

 

 

派帖之第一day!

今日真係要記低! 過大禮後正正式式派帖的日子。

原來派帖俾人係咁好玩!

其實我的同事早已知我的大日子是921，只是奇怪我尚未炸他們。

今天紅色炸彈亂槍掃射每位同事，不過佢地收得好開心，估唔倒俾人炸都咁開心，個個都即時拆，看見了ZARA送的THANKYOU CARD，好似抽yes card咁問周邊的人 "你係邊張呀??"、"你o個張靚d，同我交換...."，又問我總共有幾多款，個感覺好得意!!

我諗正在看這篇blog而未派帖的jm，當你地派帖的當天，一定有我以上的呢種特別的喜悅感!!

ENJOY the MOMENT!!!!

 

呀! 仲有段小插曲! 我派了帖給老闆後，佢在房拆來看，在房大聲嗌出唻:

 ~~~~嘩! 成個明星咁喎!!

咁大聲，好多同事都聽倒，我梗係走入佢房話 "你唔好咁誇啦!!" (其實聽倒不知幾爽，暗地偷笑o添)

怎知我老闆又好大聲話:

~~~~我話你老公之嘛................

妖!!!! 真係搞到我好鬼瘀皮!!!!!!!! 好衰o家佢!!!!!!!!!!!!!!!!!

我過咗大禮喇!

今日好好玩，過大禮日呀!

吉時係9:00am-1:00pm，大約10:45am倒我看閉路電視見倒肥佬、佢媽媽、佢姑姐同佢二嬸上緊唻，馬上"lay"番入房先! 叫爸爸拍下video給我看。(人地話我不能望住佢地入屋，d禮放低哂才可以出來，咁樣矜貴d，以免有 "好恨嫁"的感覺喎)

我在房聽倒，肥佬一入屋同我阿爸講 "我唻提親o家!" ，笑死我!

放低哂d嘢，我出唻哂! 真係好鬼多嘢，拎死佢地了!

我選擇一切從簡的過大禮，原來都好大堆頭! 好在我未來奶奶至enjoy就係搞呢d嘢，好多嘢都係佢同d姑姐阿嬸去買，我只是買咗12個橙咋。那些要做到足的新人，真係想像唔倒咁多物品要找多少人幫手才可送來呢!

未來奶奶幫手搬嘢去到我家樓下便算了，她不能上來的。原來奶奶同媽咪過大禮日唔可以見面住個喎!!

臨離開前，肥佬同我爸媽說 "我走先了，岳母大人，岳丈大人"，搞哂笑咁，不過冧到佢地兩老好鬼開心!!!

我落到樓見到auntie，都好識做咁說 "辛苦哂呀奶奶!!!"  (佢又係冧哂)

我的一切從簡過大禮物品:

兩大籃生果、四盒潮州嫁女餅、12盒中式嫁女餅、2担龍鳯嫁女餅、2梳8條的蕉、16個橙、禮金封、包羅萬有封、龍鳯燭、對聯、奶奶所贈之金器、餅卡、請帖

還有，就是我跟肥佬每人要吃八粒湯丸!!!!

但真的是"頂唔順"，最後還是每人吃了4粒投降了!!

 

 

羅浮宮PRE-WEDDING PHOTO到手了

呢輯羅浮宮，雖只有22張相，但每張也是 "精選" (唔係話好靚o個種，只是從300張中 "精心挑選")，也令我好期待呢!

今日終於攞到手了，令我有d驚喜! 佢地的執相技巧好好呀!!執到我塊面尖咗好多，連一向冇乜一兩句的男友的哥哥也讚靚，佢話個妝靚過zara o個輯化的那個妝好多喎..........( 我諗係執靚咗啫)

睇番d studio style的standard結婚相，其實都有佢好的一面o既，對比zara的外景相，呢輯真係 "結婚相feel" 重好多........

羅浮宮實同你影的地方&實要你擺的pose...

呢張相佢執得我塊面好尖，開心死!

  

玩嘢之作，哈哈!!

呢張我好鐘意，好似音樂盒咁，揀咗做油畫...

呢張係整輯相叫做影得個人最 "大頭" 的了...

呢兩張，就是令我破了戒加錢買的effect相!!!