等咗好耐 (其實都係兩個禮拜，不過呢兩個禮拜過得特別耐....)，終於到5月9日ZARA揀相的大日子喇。
因為我朋友早3日已經揀咗相，佢由下午兩點，磨下磨下揀到成夜晚九點，我都話佢"使唔使呀??"，佢話 "到時你咪知囉!!"。
我點半鐘已經到咗，今天serve我揀相的是Judy。我有信心今日不會大出血，不是擔心影得唔靚，係我覺得自己要理性d，仲有羅浮宮一輯相o家，今天不宜過火!
Arden已經幫我執咗相同篩走咗好多，所以total 有281張，都好不用我咁頭痛 (佢影咗成400-500張o家當天)! 我同肥佬邊睇邊研究d 相，有兩幅差不多的便進行二揀一行動，唔想好似我個friend咁磨咁耐嘛。
我地一路講 "呢張唔好要，呢張又唔使要......"，突然傳來一把好熟的聲音: "嘩! 唔要咁多好唔俾面喎......"
拎轉頭就見倒Arden無拉拉企咗o係我地後面! 嚇死!! 原來今日出去影相o個對新人遲大到，所以成2點幾佢都未出動。之後，jenny都同我地講，"你地篩走咁多唔係好好喎，俾番幾分薄面我地呀Arden哥嘛".....................hehe~~
篩到第三輪，都去到五點幾，淨番72張倒。個plan只包45張，其實好出血的了，叫Jenny過唻傾下計，佢叫我地揀夠80張，咁計平少少給我地囉。要delete就難啫，揀多8張用乜易吖。就係咁，埋單total 80張相，我地仲upgrade咗幅油畫做double size (40吋)，結果都係要super super大出血!!
要等成個月才有edit睇，我唯有好衰咁 (唔好學我呀)偷偷影低少少，望梅止渴啦!
得少少可以分享咋 (都係o個句，唔好學我呀):
My super big 油畫:
woo woo woo~ 夜景果張真係超好mood呀!!!!
回覆刪除So total need how much to buy 80 pics?
[版主回覆05/10/2009 21:40:00]yes ar so I upgraded my 油畫 for this picture lor.....Love it so much!!
Since I have upgraded the 油畫 and it charged $2520, so for the extra 35 pictures totally I spent $25x for 1 extra picture......"big big blooding"
呢幾張有冇揀到呀？
回覆刪除咁多張super出血丫~~~
[版主回覆05/10/2009 21:42:00]呢度的我張張都有揀呀，真係好出血，hehe......
hihi,
回覆刪除嘩! 你好厲害呀! 咁都俾你偷影咗咁多張!
下次等我去睇執相時試吓先! hehe!
[版主回覆05/11/2009 15:54:00]hehe....我係壞榜樣，唔好學我呀
恭喜晒~~~ 嘻嘻... 就快到我喇, 希望唔會大出血啦~~~
回覆刪除[版主回覆05/11/2009 18:58:00]哎呀.........好難唔大出血呢~!!
我祝你 "d相靚到要大出血" 同祝你 "忍到手唔使出血" 啦!
哈哈~~~ 我今個星期日揀相, 瑋哥應該唔會突然間出現喇~~
回覆刪除我無血喇, 所以無得出~~ 嘻嘻~~~
HI, 係我呀, 你D相好靚, 我好中意你同你HONEY 瞓向度影個張 個花球係咪自己帶去架? 見到你話大出血, 我都好擔心我都係甘.....@.@
回覆刪除[版主回覆05/13/2009 22:55:00]hihi 蘋果老師!
花球係我响ZARA度訂埋o家，連埋一套的鮮花頭飾，同男仔的襟花，$880蚊。
其實好貴呀，不過我又貪想用鮮花做頭飾，好過用絲花或只用髮夾咁。
880真係有D貴 你個日影相係用朋友車定租車呀?
回覆刪除[版主回覆05/13/2009 23:41:00]朋友車，因為我有對couple朋友各自有一架7人車，佢地2人當天也幫我出動咗。冇租車呀，既然朋友肯幫我梗係慳番d錢啦，我俾番$500 油錢他們比較省錢嘛......
不過聽d jm講，zara book的van仔都好舒服o既，如果自己搵車都要130-140蚊/鐘，不如唔好煩俾佢搞掂埋算啦.....
好開心呀, 雖然大出血, 但即係代表d相靚啦, 恭喜恭喜, 我都約左11月尾影, 但無得hold Dickie & Arden, 希望質素唔會相差太遠啦
回覆刪除[版主回覆05/24/2009 16:48:00]多謝！我都出血出得好開心o既....
hold唔倒佢兩個都冇相干啦，做得攝影師同化妝師的都一定有相當份量o家喇，放心!!
你好ar, 我係路過ga, 我都join 左ZARA 影相, 暫定今年年尾就影 lu, 我都好緊張同擔心ar, 見到你d 相, 真係好靚ar, 如果我都可以就好 lu.
回覆刪除[版主回覆06/19/2009 13:28:00]你是否arden替你影? 由佢操刀的話你放心啦，一定會一樣咁靚的! 不過都有好多jm話即使是其他攝影師都影得唔錯，都令佢地加相加到80-90幅
我應該唔會係 arden 影, 因為我之前同佢地d sales 講, 佢地話如果搵arden 要加$, 而且佢地其他team 都影得好好wor, 所以唔一定要搵arden 影. 我好緊張ar
回覆刪除[版主回覆06/23/2009 01:07:00]咁又係呀，我聽好多ESD life的JM講其他都影得不錯的，放心!