今天真的是SUPER SURPRISING!
原本我是5月9日約好上ZARA睇結婚相同揀相。昨天好友打電話給我，話zara聯絡她，佢今天已經可以睇相了 (她都join了zara，但遲我4日影，而家早我咁多日便可睇相了!!)
我梗係問zara點解咁 "大細超" 啦，佢話因為我朋友本身揀閒日睇相 (我一定要星期六)，咁啱有對新人改咗日子要遲d睇，咁zara便替我朋友調了可以早成個禮拜睇 (lucky her!!)。我就要繼續等了.......
都唔緊要啦，我都會陪朋友去睇，幫下佢眼揀相嘛。今天下午，我偷偷在公司"鼠"出唻，諗住睇一陣便回公司做嘢。
乘車到zara途中，接到呢位朋友的電話，仲諗住講句 "唻緊喇，唔使催我喎，好難揀咩?"
點知我朋友第一句便說: 唔難揀，因為我冇得揀，要揀o個個係你，原來Arden記錯咗我地兩對人，今天預備了的相...........是你的不是我的。
嘩嘩嘩.............super 驚喜! 無拉拉由"幫眼"變成"揀相" !!
勁心急，一出地鐵便急步行去zara，見到我朋友，她的眼神 "好無癮"，hehe!!
好在Arden已經幫我篩咁d出唻，還tune了顏色做了一些簡單effect，我共有281張相揀，d相真係好靚呀!!尤其係青馬橋夜景，條紫色閃石邊晚裝真係好sharp，好靚呀!估唔到studio的相都好好，梅菜子仲好上鏡o添。
把surprise告訴肥佬，話佢知d相好靚，佢話"咁唔使失眠啦"。
我開始feel倒到星期六正式揀相，我會極之頭痛!! 而家已經好掛住d相，好想快d再睇多次呀!
即係你只去咗揀相無揀相?
回覆刪除我都係琴晚去睇相,又未有softcopy攞住,我用手機影低咗幾張吊住癮先~hahahha
[版主回覆05/07/2009 12:00:00]因為我冇諗過d相是自己的嘛，都冇足夠時間，所以只是scan咗一次，星期六正式再揀囉~~
我昨晚9:00回到家才見倒你的留言呀。你去睇你執咗相後o個55幅的effect好不好嗎?又未有相囉，點解又叫你睇多次o既?
係ya,佢執咗少少,我去睇一次,confirm後佢才"美編"lor
回覆刪除我而家有d煩惱呀,我幅大油畫o既相其實都唔係太靚(之前已經覺得)而家睇返更加唔順眼...有d disappointed...你覺得大油畫係咪要揀返"婚紗"?
[版主回覆05/07/2009 13:38:00]咁又唔一定婚紗o既，但一定要"靚"囉...........
有冇得轉呀?佢又未美編，你可以轉格應該.....
如果偷影到d相記得放上來分享呢
回覆刪除[版主回覆05/07/2009 19:51:00]梗係會啦