遞信辭工是7月頭，理應8月頭先係LAST DAY，老闆都多餘，佢走唻講 "雖然你有呢個決定，不過一日係公司員工，嗰幾日的假我都係唔會批，我都係想你上大陸"。唉，都唔化o既，唔好咁天真啦，我肯上就唔會唔撈啦，你唔批假就阻到我o既呢咩，咁咪盞迫我俾病假紙你，仲要俾人工我o添! 大家好唻好去，鬥咩氣吖....
自俾咗信後每天返工見倒佢，都好假咁say個早晨，好唔自在，新project又唔過我手了，好得閒。與期同佢對峙到8月頭，睇住佢屎口屎面，不如早d走! 我又唔使去到攞病假咁鬼核突，做臭自己。所以大家com咗，旅行前嗰一日就last day算! 咁就唔使我星期四晚去睇醫生，星期一晚一落機又睇多轉，為咗張醫生紙!!
每日返工，做完手頭工作，就上網搵料，得4日3夜，點plan好? 我有本最新的閃閃系列旅遊書 (大家都知邊本啦)，我又專攻d 台灣blogger post的文唻取經 (台灣女仔好鐘意到曼谷血併、做spa啊) ，好多食、買、玩的地方都想去:
唱錢: Chit lom 近BIG C的superrich! 話兌率好好喎
食: 近CHIT LOM粉紅制服海南雞飯 (唔知咩名)，Manna，Nara Thai Cuisine，Yum Saap的媽媽色沙拉，Somtam Nua 的青木瓜沙律，建興的咖哩蟹，China Town食翅，MOF Market街市掃食，機場FOOD COURT!!
買: Chatuchak weekend Market (即JJ)，Chit Lom區的Central world+ZEN+ Siam Paragon+Siam Center 串住去的大型商場、+Siam Square、水門市場、BIG C supermaket
遊: Asiatique碼頭夜市、以機場為建築概念的Terminal 21商場
SPA: URBAN RETREATMENT，ASIA HERB ASOCIATION.............去到再就地發掘!
咁多地方，時間又有限，有d地方去的時間是必定的，如到酒店check in後就先要到Super rich唱錢。JJ market係必須day 2 or 3去的，因為只開周六日。BIG C掃手信同零食係應該LAST DAY去的。
按以上的推論，喺出發前嗰一晚終於com好如下路線:
DAY 1: 12:40PM落機 --> 搭機場快線再轉地鐵到THE CONTINENT 酒店check-in --> 搭BTS到Chit Lom Super rich 唱錢 --> Central World 買NARAYA包包，順便食NARA --> Zen買BRA + siam square + siam paragon +siam center --> DINNER 食YUM SAAP + 海南雞飯--> SPA @ URBAN RETREATMENT
DAY 2: BTS到 MO CHIT站 去JJ Market --> MOF market 食lunch --> 回酒店放下戰利品 --> Asiaique 碼頭夜市 + dinner there
DAY 3: 水門市場 --> Manna lunch --> BIG C --> Somtam Nua 食TEA --> 回酒店放下戰利品 --> Terminal 21 --> CHINA TOWN食翅 / 建興吃蟹 --> SPA @ASIA HERB ASOCIATION
DAY 4: 12:40PM的機，所以只能去機場FOOD COURT再吃!
好似好完滿，但應該會好攰，好趕。唔怕啦! 會做SPA RELAX番吖嘛!!
執好一大個喼，空空的，梗係啦要留d位唻裝戰利品嘛!
不過將會有4日3夜見不到我的寶貝熹熹豬，諗起就會有嘢"un"住咁.........................
沒有留言:
發佈留言