blogger話天氣咁熱，而且晏d人多，最好9點零便到。
搭bts到尾站MO CHIT 站，其實都不用半個鐘，雖然好多BLOGGER都話搭的士快到，但要撞啱個可以by meter計而且不會恰你兜路的，太睇彩數了! 個人認為bts好過搭的士。
唔使怕唔識路，跟人流就冇錯喇! 落咗天穚一路向前行，途中已經好多地攤! 我地買咗街邊的新鮮菠蘿當早餐食，噢! 美味!!
做咗research話，呢度買嘢不講價，而且睇啱就買不要試圖睇多幾間格價。一來你會搵唔番間舖、二來呢度賣的東西重覆性好低的，三來.....算啦其實d嘢已經好平啊!
bts Mo Chit站出行去的JJ 並不是正門。所以冇地圖攞。入到去都唔知係邊區。JJ MARKET有幾十個足球場咁大，分咗27個區，賣唔同o既嘢。服飾區、自家創作區、二手衫區、家品區、寵物區、二手書區、佛像區...........。我地主攻服飾、家品同創作區。
我冇咩必掃的item，但好快便買倒頂帽俾自己了，185銖，好開心。行過一間賣scraft o既店，見倒一個婆婆揹住bb開檔，即刻好掛住個仔! 婆婆好給力的介紹d scraft俾我，想必是仍未發市吧。d scraft又真係幾靚的啊，特別是大象圖案的，有泰國feel! 質料都好好，婆婆又主動給了折扣，所以買了2條，total 360銖。回到酒店便後悔了，一條給奶奶，一條媽媽，自己都想要啊.......................
肥佬好大收獲! 差唔多7衫2褲1包包。服飾區d衫其實唔係好特別，但平囉，二三百銖咁。這裡是可以試身的，但沒有遮掩的地方，不介意的話可以除衫試著。我較愛自家創作區，好多都賣自己設計的服飾，飾物仔，包包，小擺設咁。我看中一家店，叫"VIVI"，個女仔自己設計包包，手袋、電腦袋、大大個旅行袋都有，手工好精細，圖案好日本風! 價錢好合理，唔能夠叫好平，一個手袋仔HKD 300倒，但如果在HK見倒可能要7-800蚊先買倒，因為好日本FEEL的! 最欣賞電腦袋，圍百幾蚊港幣就有，但我的LAP TOP係舊款厚厚的而且都不帶出街，如果我有部MAP機，我一定會買個電腦袋，勁型，勁有TASTE!!
家品區好多得意嘢的，而且好平啊。本來唔相信自己會買家品返HK，又重又佔行李空間，又怕爛。行經一間賣玻璃碗碟的，肥佬被深深吸引啊! 又真係幾靚o既，唔同大小的玻璃容器，晶瑩剔透，應該叫做琉璃多過玻璃! 大至成窩上的大湯碗、小至裝dessert的碟子都有，好啱開餐廳的人來掃貨，即刻高級哂。肥佬成日鐘意裝飾屋企，懶有taste咁，話諗起過年時候有呢個碟來裝瓜子會好靚，飲咖啡用呢個杯又好型..............結果買了2杯3碗4隻碟，約三百幾銖。錢不是重點，重量才是呢，而且要寄艙，好怕回到HK會爛啊!!
不得不提，JJ MARKET充滿了小食!! 不愁會餓親啊! 我地吃了西瓜冰、泰式奶茶、杏仁朱古力冰香蕉、鮮椰肉做的椰子雪糕、泰式湯粉，件件都四五十銖就有了，計計埋埋都不用100蚊港紙，食得開心! 冰香蕉同椰子雪糕係必吃的!!
行到3點先走，我估只行了十分之一! 但太攰了!! 估唔到肥佬可以同我戰鬥咗6個鐘。可能因為好多嘢啱佢買啦! 唔怪得，我之前做蒐集，都好難見到有blogger能寫出清晰的JJ MARKET攻略出來。這裡太大，太難好有系統咁推介了，而且冇話邊區必看，都是depends on自己心水的。
我們沿地鐵出口找到附近的MOF Market，是一個乾濕貨都有的街市，這裡有個出名的food court，我們要在這裡食lunch。街市好乾淨，沒有臭味，我們試食了魷魚絲及椰子糖，順便買了當成手信。在生果店也買了芒果回酒店吃，個阿姐可替我們切開起肉再pack番好，俾埋叉你，真係好服務。
到了food court，眼看最多的便是大頭蝦同大大隻的螃蟹，仲有串燒、成隻燒雞、青木瓜沙律、各式泰式甜點、湯粉等等。我好想食大頭蝦，但只能買一pack 8隻的，都唔平呀要8-900銖，有點小貴。而且食哂會漏得滯，d蝦好多膏嘛。最後選了大頭蝦粉絲煲，得2隻蝦，都要380銖，其實計落個煲比8隻蝦貴。但一pack蝦真係食唔落。好彩個煲係絕佳的美味，食到一條粉絲都冇剩，堅!
回程4點，要趕住回酒店放下4隻手的戰利品，再趕去asiatique 碼頭夜市。個夜市係觀光的，有個大摩天輪，主打非shopping的。其實我個心十五十六，因為好攰呀! 比較想去做massage! 但去夜市的話就冇時間。左想右想，最終放棄了碼頭夜市，回酒店放低d嘢後去Asia Herb Association做spa，再行terminal 21!
Asia Herb Association在BTS Phrom Phong站，即Asok 下個站，好近! 我地book了6:00pm，都幾易搵的。我reserve了2hrs的treatment，去到才揀做邊款。我考慮做oil massage 定thai massage，服務員話如果我好攰就thai massage泵得到肉d，之後仲會有藥草球療程。每人好似1050銖。總知就抵啦!
填好份form，寫明自己想個師傅重點按的部份，喜愛的力度大小等，仲派咗把扇俾我地，上面有d 簡單溝通的語句，因為d阿姐只會泰文。d 語句包括大力d/ 細力d、想換第二個按摩師、冷氣太大等等，仲有一行是 "我要帶藥草球回家!"，原來做完spa個草球波波仲可以拎走架!
相比大陸的泵骨，thai massage真係好到肉，簡直將我的肌肉同筋骨拉番開哂，條腿好似唔係自己咁，爽到震!! 到咗草球波波的部份，其實只係將熱咗的草球反復在身上推來推去，草球好大藥味，成個身都好似treat咗咁! 不過，成身能著淨條under，連bra 都要除埋，有點尷尬! 每人要用到2個草球，所以離開的時候我手上攞住4個波波回家，d 波波之後噴濕，放入微波爐叮一分鐘，熱咗就可以再用，可重覆十幾次啊!
8:30pm離開，回到ASOK逛 Terminal 21，原來10點關門。呢個商場好得意，以機場為主題，一層Tokyo，一層England咁，尤其話washroom真係必須去visit一下。不過我地未食飯，只能在商場走馬看花，好快咁兜過圈，影下相。再求其搵間嘢食，最後入咗一間叫 "Have a zeed" 度開餐，味道也不錯。
離開的時候，才發現 "MIX"竟然在上一層!!!! MIX 是朋友介紹我一定要去試下，佢2012及2013都取得BEST RESTAURANT的美譽!! 哎呀...............點解唔搵多陣吖! 我地留在曼谷吃的餐數有限，要食d 好值得去的餐廳架嘛，浪費了一個quota!!
回酒店了，還有盒在MOF買的芒果在雪櫃等緊我!
今日比昨日更攰! JJ 真係唔講得少，又大又好行，我相信仲有好多寶藏未有發掘出來。唯有等下次，唔知幾時先有的機會了。
DAY 2 完。
沒有留言:
發佈留言