7點幾到機場，自助check-in，真係估唔到咁爆! 早2個鐘check-in，都坐到最後! 仲係最後2個孖位，差點便分開坐了! 原來係可以早24小時在網上check-in的，回程要醒d喇!
幾年前申請了citi bank premiermiles visa card，可以到國泰貴賓休息室度食嘢，等上機，唔使錢! (如果walk in每位應該要收百零兩百蚊)
食係自助餐形式的，沙律bar + 熱食，soft drink、yogurt、樽裝烏龍茶等等在雪櫃隨便攞，或者coffee or tea bar枱自己沖，唔使錢唻計可以入唻咁樣享受，覺得好賺呀!
班機slightly delay，到曼谷已經成點鐘。我身上有千幾銖，都夠買機場快線同MRT車票o既。機場快線紅線係直達，藍線站站停。我地選藍線搭到makkasan 站，再轉MRT 的phetchaburi站上，到Sukhumvit站落行5分鐘便可到THE CONTINENT酒店。
選呢間HOTEL係因為MRT同BTS都有站停，咁我想搭MRT或BTS都可以! (BTS站的話佢係ASOK站)
以為好似香港，轉線都係一條路直去，有哂指引咁啦，仲唔到原來曼谷D配套係咁差! 轉線係要走在街上，又過馬路，攞住個行李喼，D路又凹凹凸凸好難行! 好想放棄搭的士算，又唔想面對同的士佬講價，我仲未唱錢，得千幾銖!
花咗半個鐘，終於問倒人如何行去phetchaburi地鐵站!! 如果識路其實又唔算好難搵o既，只係要落低三層樓、穿過停車場、在天穚下行、過條馬路，再行2-3分鐘就搵倒了。
上咗地鐵，好有滿足感，話哂都自己摸條路番唻，成個人地道咗!! 到phetchaburi站後，一出站就見到terminal 21了! 原來咁近，咁幾時都可以去行。行去酒店的途中，又見倒打算去做spa的urban retreat! 好方便呀! 每日返酒店前去做下foot massage，爽爆!!
酒店係五星級的，諗住咁耐冇去旅行住好d，但看上去不是非常豪華，勝在交通極便利。因為搵路担誤咗，放低行李已經成2點幾。到BTS買了張RABBIT CARD (搭BTS的儲值卡)，去CHIT LOM站。
SUPER RICH其實都好易搵，BTS一出站，行過CENTRAL WORLD，上天穚過對面馬路的BIG C方向，落番地面會見到藍色的路牌，向指住的方向走，那條小巷便見到SUPER RICH，我眼見有2間。建議行多兩步到入D嗰間唱，少人好多! 兑率是一樣的。我當日是HKD 1: 4銖，超好的RATE!! 先交低PASSPORT 俾佢COPY，排一陣隊，到窗口同佢講要唱幾多，整個過程約15-20分鐘。
有錢就身痕! 回到CENTRAL WORLD，打算行一陣再去7樓的NARA吃個LATE LUNCH。一到門口便見到NARAYA旗艦店!!! 人山人海的，我當然也要朝聖啊! D人成日話曼谷包好抵買，一看之下確實是意想不到的便宜! 大大個手袋600銖唔使，化妝袋也只是100銖! 手工同款式都靚靚啊!! 我決定女生的手信都送曼谷包好了! 瘋狂戰鬥了2小時，買了滿滿的一大袋，最驚喜是肥佬都買到個包包俾自己?! 哈哈~~
5點鐘，肚空空! 先上7樓吃 NARA 吧。這店是必吃清單上的，尤其要點冬陰公。因為仲有好多家必吃店要去，我只叫了鹹蛋青木瓜SALAD同冬陰公。間咁出名的食店，咁多遊客來，應該D侍應英文好好先係。估唔到唔係囉! 我問佢冬陰公是否會太SPICY，我考慮減辣，佢問我係咪要NON-SPICY，我見條友唔對路，算啦叫佢 "ok, keep it local thai taste, spicy"。轉頭有第二個人唻問我，係咪要走辣變清湯?! 我再重申 "no, keep spicy, no need change"。估唔到，再有第三個人唻問我 "spicy?"!! 哎呀，搞咗十幾分鐘，不過個湯都真係好味的。
Central World 實在太大，大到冇方向感，唔知點行好。而且d嘢都唔係話好平，對於我呢d 唻曼谷一心想掃平貨的人唻講不太啱行。我決定行埋在這個商場裡面的ZEN，便離開。我逛ZEN的 target，只有bra bra。因為Wacoal 設廠在泰國，bra bra好平，又真係喎! 約是HK 的一半價錢，而且款式靚，我又掃貨了一會。不得不提，泰國的BRA CUP SIZE與HK稍有不同，分得較細，戴開B 的試C較合身。但大多數的款都係去到D、E，再大的就沒有了。
離開CENTRAL WORLD已經入夜，我SKIP哂同類型的大型SHOPPING MALL，即SIAM CENTER、SIAM DISCOVERY同SIAM PARAGON。只行SIAM SQUARE。
SIAM SQUARE不是大型商城，是由大大小小、橫街窄巷的店組成的一個SHOPPING AREA，有露天、也有冷氣。服飾、小精品、飾物都有，價錢便宜得很，T-恤也是100-200銖有交易的。我見到好盞鬼的T-恤! 除了經典邪惡麥當勞叔叔外，還有持槍打劫的芝麻街兄弟、同米奇斬殺唐老鴨的圖案，有趣! 創意十足!!
我看中一隻復古的手錶，400銖。想俾錢買肥佬又覺得會睇倒更好的。又看見替鎖匙套上可愛動物頭的舖頭，整的話要等，肥佬又好像唔想.........放棄咗好多得意嘢啊! 如果同D 志趣相投的姊妹來，大家都係低能o既，可能過瘾些呢..............
這裡好旺，我十分推介。夜晚來應該較好feel，也不熱。途經了SWESEN'S 雪糕店，HK沒有的。但泰國似乎好多家分店呢。D blogger話泰國吃比台灣便宜，我也點一杯香蕉朱古力sundy，一整條蕉肉，讚! 135銖也不貴啊。
行到10點，回ASOK了，腿酸酸的，想起了酒店附近的URBAN RETREAT，一陣幸福的感覺來了! 點知人地10點CLOSE的，而且WALK IN多數冇位，要RESERVE啊! 幸福變成失望了.........................明天請早吧。
又肚餓了，在酒店附近找些小食回房間吃。意外發現隔兩條街有條滛賤不能移的酒巴街，好多超低胸、熱褲、條腰細到冇內臓一般的女人在店外找男人搭訕，不過我唔肯定是男是女呢! 但身材好到我都忍唔住喪望。肥佬話，我行開咗去買嘢食時，有個男人走埋唻問佢叫唔叫雞。哈哈，我話 "你都冇錢!!"，唱完錢後所有錢都係我KEEP的，嘻嘻!!!!!!!
回到房間，把戰利品都舖在床上，大部份是NARAYA包包。
沖過涼，倒頭就睡了，DAY 2逛洽圖洽，要早去啊!
DAY 1 完。
沒有留言:
發佈留言