URBAN RETREAT的SPA，今日也是LAST CHANCE!
水門市場，要去。BIG C，一定要去!!
CHINA TOWN的翅未食，建興咖哩蟹未食，Somtam Nua 的青木瓜沙律未食，海南雞飯 (唔知咩名)、Manna、Yum Saap的媽媽色沙拉...統統都未食!!
今日是最後機會，都唔知做咩好................
反正計劃趕不上變化。邊行邊諗啦! 先去水門再PLAN。
水門市場(PLANTINIUM FASHION MALL)，位置CHIT LOM，近BIG C 再行一段路便到，NOVOTEL 酒店在其八樓。類似旺角中心啦，又係掃平貨的地方! 有6層，最高一層是FOOD COURT。分開咗2楝的，要行哂的話，相信又一整天! 今日都有TARGET架，肥佬想買拖鞋同背囊，我就想買衫仔俾熹熹 (聽說都有好多童裝)!! 也考慮是否會買多個行李喼唻裝戰利品，我仍然思考著昨天買的玻璃碗碟如何安全運回家呢?!
呢度賣D嘢同JJ MARKET一樣，都是便宜的，而且買2件以上對方都會俾折扣。T-恤仍然係CREATIVE的! 但這裡的店賣的衫偶爾也會重覆，不如JJ 般 D shop 賣的東西較獨一無二。
在food court先吃早餐，是買儲值卡的，用剩可退錢。
由高逛至低。在最上層的一間手錶店，竟然俾我搵倒第一天放棄沒買的復古手錶!! 而且......................只需99銖??!! 那晚開價400銖啊，好彩沒有買呢! 好彩當晚肥佬阻我買啫! 99銖的錶，一手交錢一手戴上了。
d 飾物實在係好好好便宜，一對非常啱心水的貓頭鷹耳環，漂亮極，20銖。冇錯! 不是HKD 20，是20銖。即是 HKD 5蚊。OMG! 好想大手入貨，再在HK 開舖轉售，香港賣$30都有人要啦!! 癲咗!!
這裡分好每層所售的貨品類別，包包一層，衫一層，童裝一層咁樣，鞋一層。當然，童裝的一層沒有這麼多只售童裝的店舖，同一層仍然有大人的服飾店。我們沒太大興趣買衫，昨天在 JJ 買咗好多了。賣衫的SKIP了，唔啱FEEL 的都掂行掂過，不知不覺就行完了水門，但都用了5個鐘。肥佬同我都成功買到拖鞋，也買到BB衫俾阿仔
，只是背囊找不到合心水的。兩手都是戰利品，最後決定都係買咗個行李喼，放哂D戰利品進去。1400銖，即HKD 350倒，很實淨，質量不錯。下午3點，看閃閃書發現海南雞飯就在附近! 鬼死咁餓梗係去開餐先啦。拖住個喼專成去到，佢竟然未開!! 原來上午去到2:00pm休息，之後5:00pm 先再開!!
灰哂，餓到爆，好彩BIG C同呢間飯店都好近，唯有去BIG C掃咗貨先啦。我一早預備定必掃清單，照單執藥咁。我冇時間慢慢磨太耐，太多嘢未做。必買是小老板紫菜、香蕉/牛奶味POCKY、BENO魷魚片、冬陰公味杯麵、蛇仔粉、冬青膏、八仙薄荷棒、COUNTERPAIN按摩膏...........其實唔知為乜要買D藥膏呢，只係太便宜了，而且人人都買，唔買個心好似不太踏實，若有所失咁。掃咗大約1200銖就走了，個心仍然在海南雞飯果度.............
BIG C除了有個SUPERMARKET，底層都有嘢SHOP的，我終於見到泰版BODY SHOP之稱的ORITENTAL PRINCESS了。口碑很不錯的護膚品，尤其係防晒。我去當天竟然做緊買第二件半價! 所以掃了2支防晒，質地清爽，2支加埋才450銖，GOOD!! 而家HK不化妝的時候日日都用。
到5點，火速回到該店食海南雞飯。已經好多人，因為仲要食其他嘢，叫咗碟細飯，只需40銖，仲有雞湯送。碟飯堅好食，油飯香，雞又好嫩，湯都好好味，俾我食到照哂鏡!! 我地對面的情侣，叫咗半隻雞，大碗的雞湯，大碟的油飯，仲有個小食，都係160銖。真係好味夾抵食，香港有得食就好了。此店唔知咩名，認住粉紅色制服啦！
食埋飯掃完BIG C，差不多6:00PM，我地又掙扎喇! 本來PLAN咗今天要去番昨日cancel 咗的ASIATIQUE 碼頭夜市，始於係一個景點。但似乎................今日都係想再做massage多d 囉。
掙扎咗一陣，同肥佬達成共和識................做MASSAGE!!!
但都要回酒店放下戰利品先。打電話reserve 了URBAN RETREAT 的 foot massage，只能book 倒 9:00pm，人地10:00 close ，只可做1個鐘了。
當時是6:00，唔夠時間去建興吃蟹，China town食翅就更加不用想了。咁算啦，吃一頓開心飯啦! 反正仲有好多要食嘢的地方未去。
Manna、Yam Saap、Somtam Nua、仲有昨天發現的MIX。
Manna同Nara 應該都係同類的，既然食過Nara了，Manna 先fout走。Yam Saap、Somtam Nua都係便宜的快餐形式，最後一餐又想食好d，所以，都係去了MIX食在本TRIP在曼谷的最後晚餐。
我們又回去TERMINAL 21，入到MIX，遇上好靚仔的侍應哥哥，成個黃曉明咁，於是叫佢介紹好了。我地點了芝士蝦春圈、香茅燒豬肉串、咖哩蟹肉同2杯drinks，他說最多人點的。
呢間店一定冇NARA咁出名，咁高級，但D 侍應英文都好好，呢D先叫做服務架嘛，唔怪得攞倒2012& 2013的BEST RESTAURANT奬啦。
食飽飽，在TERMINAL 21 再逛逛，意外看見Yam Saap 在下一層!! 雖然好飽，我地都買了人人必點的媽媽式沙拉 (其實即是辣炒媽咪麵) 回酒店當宵夜，好瘋狂!
9:00pm，到達URBAN RETREAT，交咗錢、換上拖鞋隨按摩姐姐進了洗腳室洗乾淨，再入按摩房。
泰式腳底按摩比大陸的柔和一點，不是一味按到你痛的，是舒展番D筋骨肌肉多一些，佢每一下拉我的腳趾都啪得出聲，好爽。最尾的十零分鐘是按頭同肩頸，呢幾下係令我最最最回味的!! 阿姐好功夫! 下下中，lok lok 聲，成個鬆番哂。每人300銖，超抵的。強推!!
回到酒店，把三天以來的戰利品都舖在床上 (唔知幾時開始個個人去親旅行都好興咁樣做!!)，是整整的一張床!! 好耐冇買嘢買得咁過癮!
將所有戰利品平均塞入2個喼先至係難度! 我地好似玩俄羅斯方塊咁，又要搵d衫包住d玻璃碗碟，搞咗兩個鐘先有得瞓呀! 希望寄倉不會過磅啦。
11:30pm，沖完涼，一啖一啖的嘆著YUM SAAP 的媽咪麵，辣辣的，開心又不捨! 不捨得明天便走了。
DAY 3 完。
沒有留言:
發佈留言