一方面好唔捨得這次難得的RELAX之旅，另一方面十分掛念家中的小寶貝!!
是12:40PM的機，九點多便離開HOTEL，因為.......................今日的最後節目，是到機場的FOOD COURT再食!! 這是好多BLOGGER的提醒，機場也有不少好吃的啊!!
去程給了我提示，要先搞check in，所以前一晚便上網辦好了，竟然都已經只餘下2對孖位?! 而家d 人真係好醒目呀!
我在superrich 唱的錢，經過3天的洗劫，只餘下500銖倒。退埋 2張rabbit card，total 有600銖用來搭地鐵同機場快線 + 機場開餐! 真係用得好盡!!
地鐵轉機場線那段路，現在回程再行一次，發現其實又不是那麼難行，只係攞住2個超重的行李喼，實在有點吃力! 約用了個零鐘已經到達機場。因為已經check in，只需辦理行李寄倉。看著一紫一藍的行李喼跌入運輸帶，心裡大喊: 你們要小心照顧自己，裡面的玻璃碗碟BB 要爭氣唔好爛呀!!
入到禁區，找有食嘢的地方，途中經過很多DUTY-FREE，有很多零食。手上有四百零銖，仲要留來吃，沒錢買零食呢! 試吃了一款米通，冬陰公口味的，極之好味!! 我地好老套，經過的每一間DUTY FREE，只要有擺呢個米通TESTER出來的話，我地都試吃，我諗，兩個人加埋已吃了他們半盒的份量了啊，哈哈!! 160銖一盒，即HKD 40，其實都不便宜呀。
到了美食區，我們SCAN過每一間店的MENU，看看價格以及食物種類。這裡是機場，有多種菜式，美式、中式、PIZZA類、泰式也有。因為我只餘下500銖，看過MENU，食得起才進去。最尾在一家泰菜館落腳 (仍是不捨得泰國口味呢!!) ，點了青木瓜沙律、及冬陰公湯河粉，仲夠錢買了一杯汔水。我計過，應該冇咩錢淨的了。
不過有點失望，湯粉好粗，口感不好，勝在冬陰公湯底尚可。個青木瓜沙律，辣到冇朋友!!! 咁多日以來都未試過食到咁辣，根本吃不出美味來，眼淚都出來了! 真的好差呢!! 點了的可樂，連冰我都不放過，因為我冇錢再買第二杯飲品，可憐得很!!!!! 想不到最後的一餐，是如此糟糕的，哭!!
12:20PM登機，坐定定，影張相先。
誰知........................................................................................................................................................................
機師廣播說要CHECK下機件，稍稍delay，要15mins，fine.................
之後，機師說刹機零件有問題，要換! 要多一個鐘。乘客開始鼓譟，空姐唯有派餐先，塞住眾人把口，呢招係 work o既!
1 hour later.........................機師說，要所有乘客落機!!!!!!!!!!!!!
火都起埋，但冇計。架機要整嘛! 但唔明何解我地上機前佢唔發現，要d 行李上哂、人都上埋佢先唻講!
空姐一叫便叫我們 7:00pm再回來，預計要整好多個鐘!! 我當時心情差爆! 好掛住個仔!!!!
國泰只賠給每位乘客300銖的餐券，不能兌錢、買嘢，只能花費於食店裡，好無聊呢! 咁長的時間，最正路的，當然是坐 Starbucks啦! 反正有餐券，先用了300銖來買cake & coffee。電話快將冇電，在熄機whatsapp俾家人聽delay後便冇電話用了。
到咗6:30pm，先回去集合，但我們心裡直覺地說，7:00應該起不了飛的。果然! 第樣唔見中。
空姐們說，維修員仍然未整好，未能說出完時間。這時，其他乘客終於超級鼓譟了! 呢班回hk的機，大部份的是大陸人，香港人只有少數。成班大陸人一齊起哄，又要賠償，又要交待這樣的，既然有人代勞，hk的一班乘客反而冇乜出聲。
但班大陸人都唔係無理取鬧的。這個delay不是因天氣，是完全國泰的失誤! 零件壞了，要等到就唻起飛先知! ok，決定要換了，把人都拉下機了，說要整到7:00pm，都ok。7:00回來，說未整好，咁.....................究竟預計整到幾時? 唔交代。空姐話維修員唔講所以唔知。 我地當然唔會放過佢，一定要佢交個人來交代，佢地結果叫咗個阿head 親自來到這裡說明白。但，等了又等，空姐一路說她 "on the way, coming.........." ，講咗一個鐘都未come!! 班大陸佬英文有限，結果都係交番俾我地香港的buddy處理。
香港代表話，唔可能要人在機場乾煎，究竟今晚仲飛唔飛? 整到幾時? 已經整咗咁多個鐘，其實係咪預計再咁落去都整唔到了? 會否安排第二班機給我們走呢? 走唔倒會唔會安排酒店呢??!!!
我同肥佬靜悄悄咁拉住其中一個空姐問實情，她說，原來壞咗的部份一定要由hk 飛d零件來換先得，泰國冇spair ! 6:00pm時候零件仍未送到來。我地話，咁ok吖，交代清楚，再預計落去，零件幾時來，來到整幾耐，係咪預計整唔切，咁就不如放d 人走，送去酒店仲好啦，坐咗8個鐘，其實好辛苦。班空姐都好明白，但佢地o既阿姐話唔俾佢地咁講，費事越來越難解釋。情願一路拖，看看d人幾時爆煲!! 結果真係爆咗鑊囉.........................
最可憐是，想今晚走，一定只能等。因為今晚已沒有其他機可以有位送我們走。只能等到明天第二班機。班大陸人知道後，說即使今晚呢部機整好，也一定要住酒店，因為佢地唔敢坐，怕爆炸。唉...............班機大陸人比香港人多，佢地唔肯走，會唔會就唔起機? 迫我地一齊聽朝走呢?
個阿head終於行到來了，原來係女人來，起勢咁俾人鬧爆啦當然，佢個態度仲要唔係咁合作! 淨係話 "等多一個鐘。"
香港buddy們開始錄影，說ok等多一個鐘，要佢响錄影面前交代，一個鐘後都未整好會點? 最終迫倒佢講咗句 "到時未整好，一定安排酒店"。
我地用埋餘下的300銖 redeem了晚餐。因為好唔開心，要報仇，所以我地繼續好冇品咁去佢的DUTY FREE 度食米餅同朱古力TESTER!!!
等到9:00pm，乘客們再去圍個阿head，架機真係未整好，但佢好sure咁講，11:00pm一定整得好，今晚一定飛得!!
班大陸人已經講到明，佢地一定唔上機，一定要國泰安排酒店。香港嗰班人就好硬，說冇理由要少數服從多數，堅持國泰要即使得十個人，整好的話今晚都要飛。
又再乾煎..............到咗11:00pm，終於再廣播，說，鐵定今晚一定飛，預計12:00am安排上機。但因為d大陸佬真係唔肯走，所以要安排佢地寄咗倉的行李攞番落機先，担誤咗d時間。
最終，12:30AM上番機，少咗好多人，好零靜。1:00AM起飛，終極回家鳥!!
返到香港，攞埋行李已經天光，返到屋企6:30AM，阿仔正在床上換片片，抱抱先講啦!!
2013 泰國之旅正式結束。總也算是開心之旅啦!
2013 泰國之旅正式結束。總也算是開心之旅啦!
沒有留言:
發佈留言