試妝(一)

今日第一次去試妝

好緊張，唔知化得好唔好?其實join埋顯卓的化妝服務之後，我係有點兒後悔的。話哂唔知邊個同我化，又冇sample photos俾我睇睇先。

上到去，好橋，化妝師同我一樣叫polly!言談間原來佢都有成十幾年化妝經驗，做過羅浮宮、又自己開過舖咁，現在做freelance或偶然跟顯卓合作接job。佢好多人爭o家，都算係顯卓裡面最top之一的化妝師。

佢幫我化第一個妝，是日妝，淡到我接受唔倒。我要求濃少少，佢第二個妝就幫我化到做舞台劇咁，對眼有6隻色 (狐狸咁)，我梗係話太激啦.....佢再幫我轉第三個妝，佢話已經知我要d乜.....

化完，都真係ok o既....d色運用得幾好，但整體唔suprising。接著幫我set頭。由於我頭髮尚短，髻就紮唔倒o家喇，佢都好努力咁幫我捲d波波出唻.....效果.....咪似"春麗頭"咁囉。佢唯有用幾條假髮幫我裝假狗啦....效果我都唔覺得靚，不過在佢面前咪話幾好囉。

就係因為我個sales姐姐話，呢個已經係幫我好辛苦爭番唻的，我即日confirm咗用佢，其實我可以試好多個o家 (包28個)，我都唔知點解就confirm了。第二天俾朋友睇d相，個個都話化得好普通，我男友都係咁講。唉.......

面懵懵咁.....打番電話去搵sales姐姐，話我男友勁唔滿意個妝，可否當冇confirm過昨天的polly，出奇地sales姐姐又好爽快地say ok! 話再安排第二個俾我試，我自己又煩呢......怕錯失咗佢so-called "o係佢地度最好的化妝師"，想on hold住 polly先又試第二個人....如果第二個都係唔好才揀番polly，但這個安排唔可以喎。一係就找polly再試第二次，但如果都係唔滿意，也一定要揀佢的了。都啱o既.....玩人咩試咁多次但唔confirm，話哂人地都係搶手貨唻嘛。

最後，我都係忍心放棄了polly，現在安排緊3月30日再試一個。我交帶了sales 姐姐，搵一個多經驗d，set頭功夫到家一些的給我，看看她如何在我的短髮上也造出不同造型嘛。

期待中呢..........................

 

普通的妝+冇效果的頭。只怪我頭髮太短，也想不到在我剪做短髮後的10個月便會結婚!