今日期待咗好耐了! 去ZARA睇 first edit呀
專登攞咗半天假，早些上去zara慢慢睇。我約埋嘉穎同朱古力一同去(肥佬要工作冇陪我去呀)，因為佢地都係join咗 ZARA影的。三個人睇得清楚d有咩要再執漏嘛。
不過真係好好笑，我地一路scan d相，其實驟眼看下去，包包面肥手臂一早便幫你執走咗，看似冇乜嘢執，但三個人六隻眼，意外咁發現左d 好好笑o既位，而且，picky的我向執相的姐姐提出了好多 "令她唔知好嬲定好笑"的要求，哈哈:
- 我地花了很多時間看外景的大石有沒有寫上粗口的塗鴉、海中有沒有飄浮著的檸檬茶盒同M巾、草地有沒有昆蟲.....
- 在欣澳沙灘大樹下的一張，兩個主角比例都好細冇乜嘢執，執相姐姐都話 "冇嘢要執呀呢張?"﹐但我地死都要好仔細咁睇，終於發現了地上有個垃圾紙杯! (吹咩! 哈!!!!!)
- 有一張朱古力的鞋底少少朝天，我地要求執乾淨個鞋底，同"拉番高"佢對襪!!
- 有一張我嫌肥佬的眉太粗，要佢替他"修眉"，及執細佢少少嘟起的咀唇 (不過佢話咀唇執唔倒)
- 在欣澳站在海中浮木的那些，很遠的背景是馬路，我要求把所有的巴士執走
- 有一張我條裙的閃石帶跌了膊，我要求"KEY" 番上膊頭度
其實個姐姐開頭覺得我地有少少煩o家都 (咁呢個係事實唻)，但後來佢見我地的要求真係出乎佢所意料，佢自己都笑，氣氛都好好呀，結果用咗兩個零鐘便mark低哂我地兩輯相的執漏位了。
下個星期四再睇下今天所要求的執得好唔好，如果ok的話再睇埋尾編，ok埋的話過多一個月便有相攞了!!!
WOW!!
今日就偷影唔倒了，再過多個零月啦，便可以光明正大地post出唻喇!!
妳睇埋尾編我都仲未睇相，哈哈~
回覆刪除好期待妳o的靚相丫，等我留意多o的website睇下幾時post出黎先~~~
[版主回覆06/10/2009 00:52:00]快o家喇我諗你都好快可以揀相的了。
我聽zara的staff說剛過去的expo，Arden已經多多錢都唔會再請得郁佢操刀了，我地好好彩呀!!!
咦,你呢d要求佢都肯,咁又唔太差喎...你係咪搞到九點幾呀?
回覆刪除[版主回覆06/14/2009 01:45:00]no ar I just spent one hour ja.............the staffs are always nice....
你就好啦，咁多要求佢地都無黑面。我地話面部太光，顏色太灰沉，背部想瘦Ｄ咁基本既野佢都話執唔到。係咪真係恰我？
回覆刪除[版主回覆06/15/2009 11:41:00]我諗唔係o既.....我只係寫出佢地肯執的例子啫，有些我話塊面太包，佢地執唔倒 / 執咗成件事假哂的話佢都會say no o家，不過我同個執相姐姐提出要求時都 "冧"下佢先o既，始終人受軟不受硬嘛。我會話 "問下你專業意見吖，我想咁執你估你做唔做倒?" or "你可唔可以盡量幫我咁咁咁執少少呀?盡量啦唔得都唔使勉強o既".....................咁樣講，佢通常都會話 "好吖我試下吖" / "該冇問題o既" 咁囉。