搵酒席

今日同媽咪老豆一起上昨天才落訂的未來新居度，讓他們過過目。等阿媽度氣再一次降溫。

佢地睇完，眼神話俾我知佢地都幾滿意，都覺得買得幾抵，不過都不忘以責備的語氣再三提醒我搞按揭呢d嘢要小心一些，我同肥佬當然係"知道知道知道" 咁啦!

講開酒席，一向冇乜要求的我阿媽突然說很喜歡聘珍樓。難得佢有要求，我都好開心 (因為我都唔想成個結婚的籌備完全沒有父母的意見)，即時同肥佬走去尖沙咀間聘珍樓度視察。

其實菜單、服務、場地佈置、地點.....各方面都好滿意。唯一是這裡只能擺約20圍，再多便要入房睇電視望不了台，咁又唔係幾好。同埋因為這間是高級酒樓，d燈光都偏暗，令人一入唻便覺得好眼瞓、好靜局咁。

其實我想搵一間樓底高，可包場，冇柱的酒樓，最ideal是荃灣的美心皇宮，但full了!西港城大舞台都很靚，但也full了。

再上網search下先..........