阿仔day 3.......可憐bb!

今日是入院第三天，也是出院天，一瞓醒便好期待醫生巡房時批出院!

7:30 推bb俾我，我望下阿b，覺得佢黃黃地，死啦唔知使唔使照燈呢?

唉..........第樣又唔見中，姑娘來量過，真係黃得滯，超咗標呀! bb 要留院!!

9點幾鐘bb就送了落兒科特別護理病房，我估bb照兩日燈，應該星期五出院啦。到了見醫生，他說bb身上、頭上、臉上都生了一些紅點點，但不是一般的胎毒，似是受感染了，所以要抽血看看是什麼，兼打抗生素!

我看到bb手背上的豆豆，無拉拉被吉一針，真的十分心痛!

到了bb day4，我今天要出院了，不能陪伴bb。下午見醫生，他說已有結果了，bb感染了金黃葡萄球菌!! 呢種菌bb出生不會有的，肯定是出世後才會感染到，原因是...............dirty!

oh my god!! 點可能dirty呢?? 唔通呢2日唻探佢、抱過佢的人太多了?

我再想想，因為我覺得bb皮膚乾，我又有支sebamed baby lotion响度，就幫bb塗過! 但支嘢開封了一段時間，平時是我自己用的，唔通用在bb咁delicate的皮膚上就唔得了?

越諗越覺得呢個係原因，哎呀!! 點解我咁多事，咁多手吖!!! 好內疚，在醫生面前爆喊了!

醫生都俾我嚇親，只能安慰我說 "好番咪得囉，我見bb今日的點點都有退到，即係現在的治療bb是受落的，繼續打抗生素，打足7天，就冇事喇!"。

但係醫生嗰句 "出世後先感染，環境太污糟...." 真係令我好自責! 係我把關太鬆懈喇!!

bb要去到4月17號先出得院，今天不能一家三口的回家，都是我!!!

bb，原諒媽咪呀!