踏入 "bb已足月，幾時出世都有可能" 的周數了。
今朝瞓醒真係好有感覺，39..........仲記得1月8號的突然陣痛收縮入院，當時26周+4，醫生怕我早產，又打針又食藥的，26周.....bb一出世就要經歷痛苦，我又哭又怕地捱過咗。
出咗院，1月18日檢查，醫生話我咁樣收縮過，bb係好大可能早產的，叫我小心D，堅持住，起碼要待到BB 32周，咁BB存活的機會較大了。
存活...................呢2個字真係扻入個心度。佢的存活可能就靠佢媽媽未來日子的行為舉止? 我好大壓力。
之後每過一天就數一天，我日日都同寶寶講，你要乖乖住在媽媽肚中耐一點，你未使出唻住架，你未夠鐘呀，陪媽媽不好嗎?
一周一周咁數，到咗32周了，就稍為放鬆了，不過最好仍然是陀到最後，寶寶得到應有的營養、成長。
今天，39周! BB，你好乖，你同媽媽一起成功喇! 媽媽同爸爸都期待緊你出世。
媽媽咩都預備好喇，你要用的、要著的、要吃的、要玩的，全部都READY喇，我要出唻的時候，就通知媽媽吧!
沒有留言:
發佈留言