bb 20朝的時候，屋企的掛牆鐘突然掉下，好彩當時屋企冇人。掉下來其實已証明個掛勾的膠貼黏力不夠了，我又手多多掛番個鐘上去。
結果晚上，熹熹在床仔睡覺的時候，又掉下來，發出了巨響!! 熹熹嚇醒了，當然嚎哭，個身震哂，都係媽咪唔好!!
為咗補償，之後幾天都抱住佢，呵番! 咁就出事喇!!!!!
就係，佢學識扭抱喇!! 唉，放低一陣就哭，完全要抱住，好扭好扭!!
咁落去唔得，下下要咁樣第日我返工，夜晚佢要我抱住瞓，咩精神都冇! 所以，我決定在佢個半月大就特訓佢!
d forum話，特訓bb，就係由佢喊，忍心d，喊兩個鐘都唔好理佢，當然啦要在旁邊望實佢會唔會有事，喊到面都紫埋就梗要拍下佢抱番起啦。
總知就係 "喊唔抱，唔喊先抱"。
為免有人心軟，我一早講明冇我批准不能抱，我仲等爸爸出差上海時才開始。
第一天，由中午開始就放床仔，除了照顧生理需要外，其他的喊一律唔理! 嫲嫲都在家一齊睇住佢喊，佢都係睇唔過眼抱咗! 話 "都喊咗半個鐘啦" ，我為咗教番好個仔，六親不認! 奶奶都照鬧!! 在我強勢下，佢當然都要屈服啦! (所以第二天佢情願唔過唻我度，冇咁心up。)
第一天特訓去到晚飯時間結束，費時去得咁盡啦，看著個仔喊到溶哂其實我都好心痛o家嘛..................
第二天，同樣特訓，我發現個仔都有喊，但快收聲咗，約45分鐘便收聲自己在床上楚楚可憐，我盡量都冇抱，只是輕拍他，傾下計，等佢慣咗自己瞓床仔先。
第三天，又比第二天好，基本上每個section只是哭了半個鐘就自己收聲，靜躺著。而且晚上我也不用拱佢瞓，成功在望!!!
如是者，特訓到第五天，爸爸下午出差回來了。熹熹好似知道有人幫佢咁，下午扭得勁咗，搞到我好唔開心。好似呢幾日的心血都化了!!
晚上去了嫲嫲度食飯，我的 "不准抱" 規矩仍生效的。但嫲嫲可能見個仔回來了我應該唔敢出聲，bb又開始喊時佢自己口up up "再喊嫲嫲忍唔住抱你架喇....."。
我即刻厲一厲老公，佢知我諗乜啦，同佢媽講 "你唔好以為咁講就攞咗permit呀"，佢媽仲寸寸咁話 "車，我抱佢慌你會打我呀!!"
妖，我真係火都唻埋。我個仔喊我最心痛，我死忍難忍想調教番好個仔，俾你地一個二個搞破壞!!
結果，佢真係唔理我，抱咗。我果個moment真係爆咗，唔理後果就好惡咁鬧我奶奶了!
我鬧到佢當刻唔知點算，我諗佢冇想到我真係在佢仔面前鬧佢啦，佢眼斬斬抱住個孫，放低又唔係，鬧番我佢又唔敢，dead air咗，我老公都好難做，阿媽同老婆.............唉!
佢同佢媽講 "..................唔好抱啦................"
佢媽都要落台o既，冇即刻放低，過咗一陣同bb講 "抱你都喊o既，唔抱喇，唔乖!"
就係咁，氣氛尷尬下，平息咗。不過當晚我奶奶已經搵咗個話題不經意的同我傾，打破咗個僵局。我都交足戲當冇事發生過一樣。
回家途中，老公輕拍我，話老人家梗係唔忍心孫仔喊叫我包容佢。其實我唔係唔明，只係我仲有不夠2周就返工了，唔襯而家教番好個仔，第日得我奶奶湊，仲縱得犀利。我鬧到佢咁，係想佢知道我有幾堅持，我認為呢件事有幾重要，不惜得罪佢! 而家我相信佢一定冇下次。
不過我搞到我老公應該有些心痛，不竟是老婆鬧老母而不能幫。
講埋個結果，呢次特訓................係失敗o既! 連續7天，第8天佢仍然係唔抱就喊，我開始諗究竟要堅持多少天呢? 同埋又有d報導話，bb得不到心靈滿足，都會影響日後發展的，我最後都係決定認命喺啦! 唔想再咁樣對個仔了，可能我個仔性格係咁啦...................
特訓時夜晚唔使拱便自己瞓，而家諗番起，可能係bb日間喊得太累了。
仔仔，算啦! 你健健康康就好啦。
睇下，喊到扁哂咀..................
累極而睡......................
mama love u!!!
沒有留言:
發佈留言