呢排香港樓市好勁，睇樓活動甚活躍，我的蝸居在我去北京時出租咗，但都想襯層樓市價不錯，有錢贏時放咗去，儲備定一筆錢等個樓跌了而入手一間大D、升值D o既樓。
上咗車落番車，起初都幾掙扎，不過為了日後能搬大屋，呢個做法都係應該o既。上年我地都放賣，租客好唔合作呀，一次都唔肯放買家入屋，咁都冇佢乎租客係有權咁做。
租約到今年4月8日結束，我地2月時再同租客講明會收番賣出去希望佢幫下手啦，好來好去，佢最後都合作肯俾買家睇樓，不過好苛刻，只願意安排一個星期六的晚上，把所有agent group埋同一時段睇，每批仲只能入屋睇5分鐘即走。不過都唔知算唔算係佢幫咗我，因為限時睇樓 (而嗰排租盤真係放得少)，機會難逢，搞到我間屋好似 "搶手貨" 咁，d agent又各自同有興趣的買家落藥，話 "啱就要快呀"、"多人爭呀" 咁樣，我地嗰晚不停收倒agent的電話話有買家開價，我地見個勢咁好梗係等下啦，總知邊個願意俾一口價，就先到先得唔需要auction。
最後在3月初總算找到買家了，係個後生女同我差唔多大。我同老公隔兩日專程返咗香港上律師樓搞手續，預計4月20日交樓。
又落番車了，我同媽咪講賣咗樓賺咗錢，佢替我高興。但同奶奶講，佢就唔係好贊成，怕我地上唔番車，第日買過層新的又未必會近住佢。
之前話過等埋4月10日公司出雙糧同bonus後就resign，返香港冇屋住了!! 所以都要積極點搵租盤，應該租近奶奶，第時佢可以好方便咁湊bb! 佢知道我地將會住得同佢咁近，相信應該高興番o既...............
沒有留言:
發佈留言