結婚週年"快樂".....遊!

今日924，攞咗假，補充結婚一週年。 (正日阿凡比唻咗賀我.......冇出街......  -__-)

其實都唔知做乜好啊! 想去下郊外遊。老公提議去昂平360昂下。

一早去到(其實都10點幾)，原來都好多人，好多遊客。等纜車入去要成粒鐘! 所以最後選擇搭巴士入、纜車返，其實都睇倒要睇o既風景o既!

講真入到去都係睇大佛、參觀下寺廟，冇乜特別值得提。係見倒嗰度慶祝中秋節的decoration，有一個吹氣巨型月亮好精緻，仲有好多個吹氣飛天兔仔，好靚好得意，好想偷一隻

夜晚出返尖尖咀食dinner。我揀選了秋田鐵板燒豪食一番!

是晚我挑選了 "秋田"二人餐，食物豐富，一道一道菜咁燒，成晚影過不停，我問鐵板燒個師傅阿"尖尖"，我地係咁好煩好無聊，佢話: 實在太慣嘞!

(1) 鵝肝蒸蛋 (送的!)

(2) 火燒活龍蝦，殘忍咗少少

(3) 澳洲鮑魚，手掌咁大隻，好鮮，是晚最愛!

(4) 脆皮鵝肝牛油多士，厚厚的!

(5) 澳洲和牛薄燒，包著的是鮮炸蒜片啊

(6) 煙肉櫻花蝦魚子炒飯..............前身!!  聾貓同一隻似雞的馬騮!!

 

(7) 炒菜、龍蝦頭湯，冇相睇!

(8) 甜品: DORAEMON紅豆夾餅，仲有雪糕!

最好玩o既係..........師傅尖尖賀我的蛋漿大字!不過打咗十隻蛋先成功整倒支蛋筆哦...!!

呢度無論侍應定個師傅都好nice。最後仲送咗tiramisu俾我地做結婚週年禮物，哈哈!!

開心既一餐! 但就貴咗少少囉，吃之外是一種娛樂!