偷閒玩樂行 變 盲俠行...

尋日偷得浮生半日閒，我同肥佬都請咗一日假，問朋友借咗部車，懶浪漫咁，去咗黃石公園郊遊。

其實這裡沒有特別之處，只是想吸下清新空氣。見四周空無一人，得一間士多仔，悶悶地買了一隻$10的橡筋紙飛機玩 "放飛機" !! (係咪好無聊呢.........)

肥佬花咗15分鐘去砌隻飛機出唻，我無聊得很，周圍影相。

紅色的虫! 得1mm長，好似一隻蝦

砌好隻飛機，肥佬繞下繞下螺旋槳條橡筋，一放手，飛機起飛了! 我見狀好似回復童真咁，搶咗唻玩。

人繞我又繞，都唔知點解過我手o既嘢唔夠兩秒就...............................一放手，隻飛機 "向下" 飛，插向地面，連螺旋槳都爛埋

就係咁，花咗15分鐘先砌好，價值10皮的紙飛機唔夠兩秒就俾我K.O. 咗了。

我老公話 "你都係要玩D整唔爛" o既嘢架喇......"。去番間士多仔，買咗隻$5蚊o既  "叮噹竹蜻蜓" 俾我玩。

呢隻蜻蜓唔會玩爛，仲可以飛得好高。

我地懶浪漫咁一人一次間住玩，點知.......

諗住唻一下 "勁" o既，大大力咁放出去...........................

就係咁，我隻右眼就 "花" 咗喇，當堂紅哂爆血管，紅眼症咁。 [眼球不慎被竹蜻蜓隻 "翅" flak咗一flak]

肥佬緊張之餘都好嬲咁鬧咗我一餐， "邊有人玩乜都有事o家，唔係整爛件嘢就係俾件嘢整親"。

唉..............做咩鬧人喎，我都唔想o家.................................!!

之後冇心情再玩，渣車離開咗呢度了。o係部車入面，我眨眼都痛o家，不過都唔敢出聲呀!

好彩過後唔再痛，但隻眼仲係好紅囉。為咗紀念自己咁論盡，專登留番呢隻竹蜻蜓，插咗o係家中的花瓶，警剔自己啊!

真係天真漫斕的一天呀!