花車公仔.........好想要!

很可愛嗎? 我最愛的檬檬................

很想用來做花車車頭公仔，但女仔的鳳冠太花功夫，已不夠時間訂造了!

 

這是另一選擇，都好得意，但冇上面o個對咁 "燈"一聲，個鳳冠冇珍珠冇金珠，簡單d。

希望都趕得切訂購啦!

看!! surprising me.......

大家記得我的一對梅菜子嗎? 有出現過在我的zara 婚紗相中的。

今天行街，經過尖沙咀嘉連威的一間boutique，呆了10秒也說不出話...................................

 

 

你看.................................!!

 

 

 

嚇死我了!!簡直就是一樣!!!!

梅菜子是我自己造出來的，頸巾也是找自己餘下的毛冷尾編織的，竟然這樣巧合!

肥佬馬上買了這件T-恤回家，話改給大檬著喎。

 

 

花車之選擇

是時候為花車的事張羅了。

自己對花車的要求不大，倫敦的士及普通的S-Class benz房車也不是我杯茶，我要 "型"。

肥佬很想結婚當日由自己來架車，不坐後面，都幾 "型"，所以我都贊成!

自己渣車，我們都鎖定目標是只有2 SEATS的跑車款，首選是Posche，肥佬話 "一世人點都要渣一次波子" 喎.........

不過唔係好多間車行有POSCHE for lease。最終只找到一間，好平只需$2900/day，但我BD是星期一，佢地星期日唔開不能交車，一係便星期六起租，咁就要$5800，梗係諗唔過啦!!

找到了AVIS，有波子! 但不供日租，只有WEEKLY / MONTHLY，好可惜!

退而求其次，看到有BENZ SLK 280，都OK型仔o家，但剛好被人前一周mark咗for weekly lease，星期日還車，我星期一用，未必趕得切交車，又租唔倒!!

2 seats的choice已經唔多，睇下睇下，看到紅色Mini cooper開蓬跑車，都幾型喎!紅色好搶眼，托起我對中式monchhichi車頭公仔效果應該不錯，所以最後選擇了它。

臨打單，個sales見我地租不到如意的花車，盡量幫手替我地打電話俾租了BENZ SLK280 的客人問下他大約幾點還車，可否早少少。佢地4:00pm收工，個客最遲應該4:00pm點都會還車，如果我地想的話都俾我地由mini cooper轉回benz，過咗4:00pm都等埋我地來取車才收工。但如果個客延長租期便冇計了。

希望最後都可以用倒呢部Benz SLK 280做花車啦。

暫時HOLD了的MINI COOPER

期望轉用到的SLK280

得個"恨"字的POSCHE!!!!!!

 

日蝕!!

今日看到了日蝕，好震撼呢!

一向很愛看天文奇觀，自差不多十年前在科大看過流星雨，好耐冇親眼見過咁震撼的天文現象了。

不過香港只看到日偏食，所以震撼程度始終不及當年的流星雨，又綠又紅又金的掃把尾流星 "馮"一聲咁掝過夜空，之後個天還流下一度光痕的o個種感覺，真係好奧妙!我記得當時仲睇到喊咗出唻，真係o家!

不過流星掝過o個刻我都不忘許願，我記得每一粒掃把尾飛過我都有許願，一共許了十幾個，都係同一個願望，就係減肥成功!!

諗番轉頭，都算真係實現咗，許咗一年後便實現了。

 

 

揀衫記(二)--顯卓

雖然2月份我已經在顯卓hold哂1件WG 3件EG，但知佢每個月都返新衫，成日心思思想再睇下。

6 月o個陣去ZARA睇結婚相，未夠鐘又突然落大雨，無端端心血來潮上咗顯卓度book時間，用埋次free change quota，一book便要7月10號了。那天看見了一件很靚的金黃色EG，一見難忘，又見倒多咗些特別款式的婚紗，好想快D試!!

今日我專登同埋阿妹、家姐、媽咪一齊去幫下眼，順便替我妹揀埋伴娘裙。一去到JOJO未得閒serve我住，我唯有睇住d相簿先啦。我個妹就被另一個sales serve緊，因為揀伴娘裙款式較少較容易。

睇哂d相簿，咦?? 唔見咗上次令我一見難忘o個件金黃色晚裝o既?! 我捉住一個sales帶佢去上次條裙display o既位置，形容埋顏色同款式，佢地都唔知我講乜!!

都係JOJO勁(佢真係出名好記性)，我最後都係向佢求救，佢諗咗一陣就話 "XXXX" (code)吖嘛，佢叫個女仔入倉攞，原來佢話條裙D釘工好易鈎爛，唔想俾D客試到殘哂，所以SHOW咗一段短時間便收起咗。嘻嘻!! 好在我記得又形容得番啫，最好彩是SERVE我的人是JOJO! 佢真係幫我好多。

一試之下，死喇!! 我家姐細妹阿媽一致認為呢件贏咗我心愛的藍色EG!! (我是在會展看見那件藍色EG才join這間的呀!!) 藍色EG係for 迎賓家嘛，要sharp d，但呢件金黃色又真係釘工同款式都贏咗，幾番掙扎下，jojo替我拿主意，說這件金黃色點都唔可以"side"，一定係迎賓，藍色便留唻送客吧，因為好難得check咗期之後金黃色那件available喎。

跟住再試婚紗。本身揀咗那件是要真胸、前面see through的，但個拖尾不算很特別。開頭揀呢件是因為 "前面" 有睇頭好 "聖梘"，而家諗諗下，都係較多人留意婚紗個拖尾，所以都係再揀件拖尾要威威的! 但睇相簿又係冇乜啱feel，JOJO又替我入倉搵，佢搵咗10分鐘，攞住一件WG對我說 "得喇，係呢件o家喇，你係要呢d o家喇!"。

呢件象牙色婚紗，好鬼重身，但.....................個拖尾真係好勁呀! 前面 d detail位又不錯，結果又轉咗呢件。我話 "呢d衫相簿又冇，又唔放出唻，唔for租的嗎? 咁擺o係度做乜??" ，JOJO話有些衫貴D又重身，返得一千零一件，唔想試殘哂，真係睇客o家咋，麻麻煩煩那些客就唔使旨意了....(好彩我向來都識做，仲買糖佢食o添)

今日之行，轉咗一件EG一件WG，其餘藍色EG同紅色敬酒EG就KEEP番，冇得再轉的了，9月15日FINAL FITTING。有信心一定會好靚o家!!

俾大家睇下先.............................

金黃色迎賓EG

紅色敬酒EG

藍色送客EG

勁拖尾WG

OUT了的see through WG

ZARA看結婚相美編

今天七一的節目，是去zara看美編。

看過好多ESD life的JM的comment，近排真的踩多過讚，大家呢排zara好像很反感，我想是待遇不一及他們態度上的問題啦。

出門口前我非常擔心，我的80張相會被編成怎麼樣呢? 一本大相簿，頂盡30頁，平均打開的2個pages咪有成4-5幅相??!!點解我唔早d問定佢地會否加頁數呢?

不過都係錢的問題，如果d相真係細到我接受不了，唯有以錢解決囉....

去到坐低，serve我的仍然是近排被d JM鬧得很勁的judy (不過聽d JM講佢待客的態度又真係.....較為率直)。佢用電腦show咗我編出唻，嘩!! 十個surprise!!

Jenny替我把80張相分咗做2本大相簿，著WG的一本 (45張)，EG的另一本 (35張)。平均 2 pages有2-3幅相，不會很"細細格"，佢呢個offer真係意料之外，佢地乜嘢都要拗一輪先爭取倒家嘛，呢度我真係賺咗。好開心呢! (後尾佢話我的相確實算多加上有加大油畫便給我這offer)

佢地美編做得不錯，WG那本基本上冇乜問題，我擔心的有冇留白問題也沒有出現，我很快便confirm了。係EG的那本，佢本身只給了我24頁，排得幾迫下，我有7張青馬橋夜景相，幅幅都橫向 "景大人細"，唔放大唻編根本睇唔倒 "人"。但佢真係冇放大到，把7張"景相"迫埋在4頁 (即2個橫誇頁)，有幾幅仲縮到得手掌咁大，個MOOD冇哂! 我同JUDY反映話:

"咁樣編我的夜景相全部變得好冇MOOD喎，反正每本大簿本身可容納30頁，不如開多2頁給我猜番勻呢7張青馬橋唔好咁迫啦，你幫我問問JENNY啦..."

一向"企硬+話唔倒事"的judy忽然變得 "好話得事"，佢諗咗一陣話 "問題唔大o既..........."，咁就答應咗我了。(會否是近排佢被投訴多了，被jenny照過肺叫佢有d位自己執生呢?!)

佢mark down我的改動後，我就confirm埋本EG，不會再睇多次美編了，個半月後有相攞。

臨走前被JENNY要求我劃押agree佢地攞我的相做sample (唔怪得special offer我啦)，我見佢地今日咁疏爽，我都答應了。

終於KO咗zara這輯相，唻緊羅浮宮的一輯，要等到成8月1日，等我再打電話去問問可否早一些先，唔係我BIG DAY那天不能display出來了。