今日我與肥佬做了奇怪的事，去睇樓。
點解咁奇怪?因為係完完全全冇先兆之下，肥佬話"買樓囉"。
如果買倒樓，便租出去一年，一年後收番層樓，2010年，便剛好可結婚了。(他滿有全盤計劃，但還沒向我求婚，哼!
)
選擇地點，唔係近我媽就係近佢媽，他家在黃大仙，九龍樓，又恐防買不起。所以我地都集中看荃灣樓。
我較喜歡爵悅庭的，因為樓齡新，會所超靚，但價錢又唔算好貴。看過4、5個單位，由於金融海嘯的洗劫，好多幾筍的單位放出，45層高全海景650呎，要250萬，低層d的，望市區，220萬都有交易，其實都買得過。不過個個單位都空空如也，如果要自己執一執，都要外十零萬o家。
又看過較近地鐵站的愉景新城，10年樓，40層高600呎215萬，但殘到嘔，我諗起碼要花多20萬來重建個廚房同廁所，咁我地o既cash flow又會變得好緊張，所以都係冇得諗。
至於肥佬的媽咪，當然係想我地將來住近佢多一些啦，所以專登叫埋佢唻一齊睇爵悅庭的單位，佢都顯得悶悶不樂同不太滿意囉，都係人之常情唻o既。但住近佢的話，黃大仙頭，一係居屋，我一定唔想住了。再唔係便是星河明居呢d屋苑，至少都280-300萬咁滯，點買得起吖.......佢老人家唔係好明囉。可能誤會咗我要佢個仔一定揀荃灣住o添。
話說回頭，買得樓，便是結婚的時候，好冇同媽咪講佢個女終於嫁得出好呢?
thanks everyone, thanks for your love!
