網誌搬家鳥..........

才剛剛用盡心機的完成4篇曼谷遊歷文章，就收到yahoo通知停blog!

用慣用熟，寫咗咁多年，真係唔捨得。

咁我yahoo blog的幾百篇日誌點算? 雖然見倒好多有心blogger都教路如何從yahoo把整個blog連文連圖連留言咁搬到blogspot，但看來是有點複雜了，相信要花上數星期先能成事。

我這些地下blog友都少事，人地那些人氣blogger，擁有十萬fans的，真係影响大，yahoo你好無情呀!!

yahoo blog，冇記錯的話是08年開始用的，當時剛決定結婚，上網周圍爬文看看人如何籌備，多是在yahoo blog上見到的，於是開了一個yahoo blog來方便留言問人嘢，整整下自己都變了用家!

籌備婚禮的點滴、婚後生活、honeymoon、到北京居住、陀BB、生BB、阿仔而家5個月大了，yahoo blog都陪我過了。

不過社會無情，要被淘汰始終要面對。唯有努力學習blogspot，快些產生感情啦!