四個月的超重鬼靈精，表情多多!!

熹熹，話咁快就四個月大! 雖然而家失咗業，但每天見住佢成長，體重幾百克幾百克咁上升，手仔腳仔越來越有力，真係好滿足!

前幾日帶熹熹返健康院例行檢查，不嬲都中碼的熹熹，體重比起兩個月大的時候勁咗好多呀！已經行咗條大碼線，仲係同月份大bb中排頂點！比起早三個月大出世的朋友仔朗天哥哥仲要重！我最開心係連身高都變咗做＂中上＂啦，媽咪刻開心哂，我仲係有點介意照超聲波時阿張國良係咁話你 "腳短短似媽咪"，我地要努力D唔好衰俾張醫生睇呀！ (超記仇)

人仔大咗，D動靜同表情都好古靈精，真係俾佢氹死呀！