Maternity photo @ week 35!

35周的時候，去咗做一件恨咗好耐的事，是未有bb的時候就一路想做的，就是影大肚相!

期待同預備的感覺，係冇影結婚相的時候咁強烈的，起碼唔會係咁減肥先啦! 影呢輯相的目的是留俾bb第日睇架。加上今次陀bb，個肚一條紋都冇，我覺得好靚呀，所以想留念。如果有爆肚，我就算影了都不會公開給別人看哦。

本來打算簡簡單單約studio 123影，不過睇完佢d 相就覺得冇咩美感。之後上親子王國度睇下有冇媽咪推介d studio，有人講牛頭角有一間studio，咁啱我返工係觀塘，放工去都得喎唔使專登星期六日影，而且都唔係好貴，又包化妝同唔使預備衫，所以揀咗佢。

6:30上到去，化妝化到7點幾，因為老公未到就影單人相先，老實講，又瞓低又擺post，原來對於身懷六甲的我係幾攰的! 攝影師話我都算幾好架啦，好多媽媽已經做唔倒瞓低、屈膝呢d 動作了。

老公到咗，影埋"三人照"，影到11點幾呀。都有成4-5個造型，我就覺得幾抵囉。 有好幾間只俾番20張相倒，呢間話大約會有7-80張，多好多呀!

2個星期後有相攞，今日終於收倒了。太大膽的就唔post了，較健康的就post少少啦!

準媽媽努力的周末!

今日覺得自己好乖! 的起心肝摷哂BB D嘢出唻大清洗!

買下買下，儲下儲下，原來BB已經攡有唔少"林滲"嘢，一大堆口水肩、手套仔、腳套仔同鞋仔，都係D AUNTIE送o既，真係慳番唔少。

手洗咗一堆紗巾，一路洗個心好似好開心咁，覺得自己作為阿媽好有責任呀 (之後乾咗用好俾心機咁摺，廿幾條巾摺咗15鐘，好無聊呀!!)

砌好張bb床，將 "大女" 檬子放咗入去，仲攞 "小檬"唻練習包紗巾，等到時bb真係响面前都唔使攞bb唻練習嘛。

企咗一日係咁執，夜晚隻腳腫腫地，可能企太耐了...........

36周.........4 weeks to goal!

今天，BB已經滿36周大啦!

過多4周就係預產期，陀BB生涯，就快完結了。

由34周開始，我FEEL倒阿仔在肚中的郁動多變化咗，唔係一味踢，有時我會FEEL倒是小手在動，有時佢郁得犀利，我隔著件衫看，好像有隻老鼠在枱布下面走過咁，真係想玩扑傻瓜! 我會拍下佢郁的部位，同佢玩，佢好似FEEL倒有隻手頂番住佢，佢又再用力D咁，我覺得我真係有同佢溝通緊，第三個人唔明架喇。

有時做嘢做到好忙，佢又郁下，我都會輕拍下個肚問佢 "BB做咩呀?"，或者同佢講 "BB自己玩啦媽咪唔得閒呀，乖豬! "，真係好享受。

而家，BB仲係我的一部份，我食咩佢食咩，我瞓覺佢又瞓，我去邊都帶埋佢去。佢郁我又會拍下佢，真係唔捨得失去呢個感覺!

但另一方面又好想快D見倒佢一面，想快D到預產期，但到時呢，佢就再唔係我一部份，佢是獨立個體，嗰種 "二合一" 的感覺就冇咗了。

但我想，真正當成媽媽時，又會是另一番感受! 不同階段嘛。

上周見張醫生，佢話我胎盤已經成熟，BB個頭大咗好多，而家5.5磅出世預計7磅冇走雞，我仲會早產十日八日咁，即係可能預產期變成4月頭。(原來早產的其中因素是胎盤成熟度，我以為BB大嚿、或者食咗寒嘢先會引發早產o添)

我已通知公司4月2日開始產假，咁咪啱啱好囉，超FIT! 如果真係4月頭，就只淨下3周的陀B生涯了。

呢一個禮拜覺得個肚大咗好多，希望BB再長肉D、吸收多D，出到唻有7磅以上就好了。

P.S. 上周從超聲波見倒BB的全貌，仲拍下了VIDEO (因為佢爸爸沒空跟我檢查，但又掛住阿B) ，BB塊面多咗好多肉，個咀仔"妹妹"下咁，真係好想親親佢!! 我一出診所就即看VIDEO一次，到咗今日我都仲係每日要睇一次，係咪個個都係咁? 總覺得自己的BB最可愛! (即使未出世啊!!)