好耐冇寫日誌，其實發生咗唔少值得紀念的事，太多嘢要安排，要動手做，把我的BLOG也閒置了。
明年一月一日，肥佬便要station北京工作了。
剛過去的星期五，我地去了一趟北京，找房子。
公司sponsor租樓的費用，不多不少。個situation就好似俾8000蚊你在香港租屋咁，冇話唔得囉，旺角尖沙咀就冇份了，一係就方便少少、間屋唔會好大，荃灣區咁。一係就好似租村屋、天水圍區咁，大d但唔方便得很! 北京咁大，一住在"唔方便"的地方，出入就好大件事﹐尤其返工同放工!!!
在北京租屋，今天睇中，就要租，明天可入住 (基本上好似HK渡假屋咁乜都有，家電床都全包了)，不像香港般一個月交吉期。我地今天睇中的話，最快都12月尾才起租，冇屋主會等我地。所以，今次上來的一趟，都只能夠選擇定地區同屋苑，但租定就冇可能了。
我地決定咗住四環，地區是地鐵四號線的首站。在北京繁忙的上班早上，住呢個區總算一定有位坐。係好重要的考慮啊! 肥佬交帶咗俾北京的同事聽我地對間屋的要求是什麼後，便回港了，等佢同事替我們再搵囉。其實我就不是很放心! 始終"心水" 呢d嘢，好難 "交帶" 倒俾人聽，好睇 "眼緣" 嘛....不過真係冇辦法。
這次一去三日，我都冇周圍遊覽，來日方長嘛。只是周圍食下嘢咁。我發覺北京的生活消費其實一d都唔低。已經冇 $5食倒碗麵呢一支歌仔了，買件羽绒都2000蚊，我諗日後我都係自己煮多d飯了。
等我學好正宗的北京水餃，有機會的話，整俾睇過這篇日誌的你來嘗一嘗吧。
其實話說回頭，我個心都好忐忑，要放棄自己的事業，跟老公上去由頭唻過，我內心好唔實在。好似成三十歲人先至唻失業一樣。上面的工作，local公司出手比較低， "經理" 都未必有10000蚊個月，正常主任仔真係得5000蚊咋，最大問題係，即使人地請3000蚊的文員仔，都唔一定肯請你呢個"外省人"，因為唔熟本地文化。所以我暫時只looking for外資公司。
如果上到去搵唔倒工，咁成個家的責任去咗老公度，梗係唔想啦。唔做嘢個人又悶呢，朋友都冇個，真係鬱到病!
不過，留响HK，要同老公分開，我梗係唔捨得啦，佢都要上去成2年。呢個跟得夫人就做硬的了，希望我都快D找到工作啦!
