JOIN咗REGENE 呢間公司三年，未有過ANNUAL DINNER。我自己就唔覺得有咩咁緊要囉 (冇飯食俾幾舊水我仲爽啦)! 但 shop o既sales 妹妹仔就覺得 "冇AD影響哂佢地做嘢的士氣同對公司冇歸屬感"。
公司三個老闆都係男人，偏偏成間公司o既STAFF都係女人 (鬼叫你係化妝品公司咩)，日訛夜訛，終於受唔住班o靚妹，答應搞咗一次annual dinner完佢地心願。
超.............一餐飯有幾重要? 搞一餐DINNER先可取得你的歸屬感，咁係你思想唔得成熟啫........我反而覺得你唔係認真工作囉。(本來，我確實咁諗)
剛參加完這個dinner gathering 回來，感覺好奇妙。平時同班女唔熟，始終我都係佢地trainner，教授產品 techique 上的知識，好鬼死"學術"，not funny at all，同佢地玩唔埋呢(加上年紀又細我一截呢...
)
但今晚玩得好癲! dress code是豹紋，d女仔花咗好多心機諗不同的遊戲令整晚氣氛好好，個個同事都好融洽。[平時每間shop的業績一有比較，當然唔多唔少有d心病o既]
o個刻真係有o個班女仔所講，"士氣、歸屬感"，真係好strong。
今晚之後，諗倒更多，公司靠佢地呢班年紀輕的女仔搵錢，佢地點諗，就算怪、唔make sense都好，間唔使都要採納一下，都學倒嘢o架。
今日打呢篇嘢，嚴肅咗d o添..........有感而發啫，我真係老了
