超開心! 年三十晚帶回家的蘭花,於過年間不斷開花,到咗年初九開咗五朵喇!
好彩唔係桃花咋,開哂花咁,咁好意頭,唔出去玩對唔住d花呀
恭喜發財!!祝大家都笑口常開呀!
年廿九那天,公司放半日,同咗班同事去尖沙咀HYATT食甜品TEA BUFFET團年,味道幾好但唔係好多款囉!
因為老公突然篤信風水命理,買咗本李居明睇,話屋企要擺d屬木 植物來催旺財運喎 (正八公!),所以年廿九晚去咗旺角花墟買花。
旺角非常多人,人迫人,真係縮起對腳都可以向前郁,好係俾人抬住走咁。不過都有收獲,買咗好靚的蘭花、富貴竹同一盤桔!!
最愛盤桔,好cute!
年三十晚,食完團年飯,入滿個米缸,摘埋封利是,"常滿"!! 日日有食神呀!
今年係我第一年派利是,入利是好開心,派利是都開心但當然不及 "當年" 收利是咁開心啦!
第一個收我利是的,當然是阿囡啦!!
大年初一二三,每天都是我最愛的麻雀耍樂,今年橫財運仲唔錯o添
****祝大家都發財,恭喜恭喜!!****
今天又211了。
211是我同老公的拍拖紀念日。
因為兩週年時候的211,我收到求婚的玫瑰花。今年的211,我地o既稱呼同身份都唔同咗了。
大家都晏收工,又臨近過年,屋企好多嘢要整,都冇出去食飯慶祝,在家打邊爐。
今日我仲............送咗紮花俾老公o添!
呢紮花好特別o家,係佢上年送給我的。
唔捨得見住d花凋謝,所以做咗乾花,我一直都好好保存住,一年後,再送番俾老公。