係時候揀選我的wedding cake。
原本我係諗住去銅鑼灣CAKE 2度訂，因為賣相真係好靚。但肥佬同我講，佢同事介紹了一間專做WEDDING CAKE的舖頭俾佢，佢諗住同我去睇睇先。咁算啦，放棄CAKE 2囉..................
今天同肥佬去那間舖頭，原來，就是CAKE 2了!! 哈哈~~~ 好開心
我的要求很簡單，SIMPLE ELEGANT，我不喜歡花巧ICING CAKE，CREAM CAKE先好食家嘛!
由於我BD係星期一，不會有好多人看著我切餅，所以只打算訂6磅。6磅做不到兩層了....所以放棄了我看中的這個精選:
看過哂D圖片，單層的篩淨 2個，最後揀了單層藍玫瑰款，我記得PERRY也好像揀這個的
。點解篩走另外o個個?
因為肥佬話似垃圾桶喎，哈哈哈^^
我的最後選擇
似垃圾桶的款式，其實都幾靚o既....哈
因為聽到Perry的意見說玫瑰較易殘及有锈邊，我都幾擔心，又問了Kitman的意見，她說其實冇話咩花會襟放些，只要你處理唔好，撞一撞，便好易出裂紋及有锈邊。不過淺粉紅色的花出現锈邊咪顯眼些囉。
我一邊講、一邊再看看她blog上的花球。
"叮"...........見到個新post的花球，紅玫瑰配塘棉球，加紅豆花，顏色對比好大，好ok喎.....
越睇越覺得靚過我之前揀咗o個個粉紅色瑪利亞玫瑰，幾經掙扎，最後都轉咗做呢個! (太易動搖了!!)
後尾Kitman話，原來呢種是黑玫瑰，不是紅玫瑰喎! 原來黑玫瑰唔係黑色，哈哈!
我決定把monchhichi花車公仔交給 Kitman去整埋車頭個ribbon，因為是中式的，佢向我推介了這個:
真係好靚，又夠detail，但好搶眼，我怕搶了mon mon的鏡，hehe，所以暫不決定，待我把公仔交到Kitman手上，由她的專業眼光來決定用什麼顏色及質地的布料去做個ribbon吧。
這是放棄了的瑪利亞玫瑰田園法式花球，不過有朋友黑玫瑰o個個沉了些，還是這個較好，大家話呢?
今天是結婚日的兄弟姊妹第一次gathering，朋友還提道我家的小狗毛毛一見陌生人便吠個不停，當日可能阻礙攝錄工作，收倒音。我便打算當天早上先把毛毛送去我家姐屋企暫放。
剛gathering回來，很累。洗過澡，出到唻感覺很靜的，家中擺設有點兒不同了。
個.......................狗籠呢?
媽咪說，毛毛，死了。
毛毛，我養了12年的小狗，最後見牠，是剛過去的星期四。
怪就怪我這幾天都在新居瞓，沒有回家，今晚一回來，便看不見了。
很很很很遺憾，我看不到牠最後一面。
媽媽知道我在為婚事張羅著，又刻意不告訴我。
今天的聚會，高高興興的，本來打算回來把今天的經過記下。
如今，卻哭喪著臉寫下這封日誌，人的經歷、起落就是這麼無常。
上年死了的mui mui，也是養了12年。今天失去了毛毛，如今家中再無小狗。
生離死別的感覺真的很難受，雖然是寵物。
我以後都不會再養小狗。
今日8月22號，一早瞓醒，計計日子，距離BIG DAY仲有剛好30日。
一陣晏D會去取帖，已經印好咗了，多謝昌記的伯伯，替我印上URGENT印仔，讓工廠替我極速一星期印好!! 我的工作表又可以多個 "剔"
好似...............乜都預備好喇喎。
哈.......咁就剩番一個月時間了。
回想起上年12月20日決定結婚，因為今年年初買咗樓，但又想再儲多少少錢結婚，所以諗住放租出去 等人幫自己供。租期死約一年，所以計過，點都要係2010年先收得番層樓，預備結婚用。
搵師傅摘日子，日子是2010年的10月。諗住大把時間啦，仲有成差唔多兩年時間預備。但我朋友文仔同碧茜話，而家 "放租等人供呢支歌仔" 唔係唱得咁好聽，好多雜費是業主包的，而且俾人住殘哂先用唻結婚都要俾錢落去執番好間屋啦，不如自己住啦。
就係咁，租唔成 (我們是好易被人地意見影响的人 !! HEHE.....)，自己住，咁.............就冇咗"一年死約" 的限制了，2009咁好年，不如.............就今年啦。
再找同一個師傅摘日，給我的，便是我一生人中的重要日子，2009年、9月、21日。
9個月的籌備時間，真係未試過咁忙，婚紗展、金巴利道、金都、百利、上海街.........呢D地方一個月出出入入幾次。
搵酒席-------------碰壁、再搵、搵倒、落訂。
影結婚相----------揀衫、影相、揀相、收相。
試晚裝------------揀衫、HOLD衫、轉衫、FIRM衫。
試妝---------------揀人、試妝、REJECT、再揀、再試......N次後，CONFIRM。
新屋傢俬----------邊揀邊買，買足9個月。
阿媽著對咩鞋、家姐阿妹著乜衫、阿爸造西裝、奶奶戴咩首飾.............唔知點解，佢地都要我參予在其中。哈哈...........回想起來，原來忙咗咁多嘢。
過大禮、上頭用品、安床用品.........都買齊了。
BIG DAY RUNDOWN 又寫好，明天還相約哂 20個兄弟姊妹第一次GATHERING。
一日一日咁過，現在，剩下30天。心情是輕鬆的，因為D嘢好似忙完了。但不自覺地昨晚又發了一個惡夢.............是否無形的緊張及壓力又漸漸地湧現呢?
尚餘只30天的 "單身" 生涯，是否應好好享受?
哈哈~~ 約番D損友出去蒲番幾晚先......
看上了一個網上訂花球的服務，花球做得好有heart，而且唔係死咕咕的紅玫瑰 + 滿天星咁，所以我都鎖定於這個網頁度揀款。(apple介給我的)
起初選了清新罕見的田園法式小牡丹花球，報咗價，out-bud了，而且對方提醒我牡丹花唔會開咁俾我的 (開哂冇咁靚)，萬一有些識嘢又迷迷地信的長輩看見了可能不高興! (原來牡丹花唔開係唔好意頭的呀!!)
有點失望，不過唔緊要啦，仲有好多靚款o既。經過一輪研究，最後挑選了瑪莉亞玫瑰配金魚花法式鮮花花球。對方話9月日本一種小牡丹種也很當造，如果見倒靚的話會配埋落去，好嘢!
之後佢問我仲有咩係未有o既，例如簽名筆。咦....? 我又冇諗過喎，我諗住求其o係文具店買o家咋。佢提議我不如整埋簽名筆，都係幾十蚊一枝。我見倒sample photos又真係好靚，最後要咗4枝。
遲d可能搵佢做埋綁住我對中式monchhichi花車公仔o個個ribbon!! 佢整好靚o家!
我的花球:
雞蛋花簽名筆:
放棄了的田園法式小牡丹:
花車decoration的ribbon，好靚!
製作人的blog，有興趣去看看:
http://hk.myblog.yahoo.com/ilukt
今日去咗羅浮宮揀相。
目標除了是 "20 only"外，還有一個目標.....是 "唔再使錢"! 所以我昨晚已經不停在看ZARA輯相，看飽自己，等我再見倒更靚的相也不會太太太太心動!
一坐低，sales姐姐就放低咗所有的合照俾我地揀先，之後先揀單人相，最後是effect相，Total應該約有250張。嘩............從中揀20張，好難啫!
"好難啫".............原來係我擔心太多!!
d 相真係非常普通! 同我早前所講一樣，d pose都係一樣o既，只是不同場景，我只需揀最愛的場景便可以了。
有些景是即使我個樣更靚我都不會揀的..............
木馬! benz車!! bear bear堆!!! 鋼琴 (仲要肥佬瞌埋眼扮識彈我情深款款望住佢o個d)!!!!
我諗我用了一個鐘，由250張揀出了最最最精選的22張及2張 effect相，extra要$280/張，4張即要加$1320。咁多錢........失預算..........我唯有在精選中再抽番2張出唻，只要20張。由於effect相不計算於package的20張中，但那兩張effect相我真係唔可以放棄!! 唯有..........................加錢囉........! $560都ok o既......
sales姐姐見我地加咁少，當然要出另外"板釜"啦! 就是加coating! 佢都幾高明........先給我地看一本冇coating的相簿，佢話不算好舊但已經好污糟、兩頁相之間由於冇保護膜，相貼相之下磨下磨下兩張相都甩哂色!! 佢咁樣show一show，真係 "最強"，贏哂我地的心理! (你看過那本簿，一定不想自己的會變成咁!!)
做哂成本coating，要$2400，嘩............咁多錢我不如加相仲好啦! sales姐姐之後提議我，唔好要package送的2張5R、6張3R、簽名冊，佢以$2088包我:
(1) 成本簿uv coating
(2) 水晶面
(3) 8R相送相框 (原本只有相冇框)
(4) upgrade 油畫框from C+ to B+
(5) 情心美集送埋uv coating
(6) 包埋o個2張effect相唔使錢
你話........................點抵擋得住佢呢個攻勢喎!! 原先都要使$560買effect相，而家當俾多$1500蚊倒又有coating又有靚油畫框又有水晶面.................
最後我殺佢一殺，$2000蚊成交!!
正當我想要求佢快趕油畫俾我，等我可以在9月21日big day show出來之際，sales姐姐話:
"知你好日子好近喎，幫你做急件，9月10日攞相啦!"
嘩...........................嘩.......................................嘩!!!!!!
真係太好喇，意外到極點! 真係加錢加得冇錯! 換唻的優待太令我滿意了
以為都係做了受不住引誘的冇用鬼，最後我覺得自己做了精明消費者!
9月10日有相，再俾大家睇!!
攞倒喇攞倒喇!!
ZARA結婚相到手喇!! 真係等到我頸長了。
美編做得尚算不錯啦，張油畫真係好大!! 另外兩個座枱相架都好靚! 非常滿意。
可能都係整定我於睇羅浮宮輯相之前一天，攞咗呢輯相先，今晚反覆睇咗幾次，真係飽哂，明天見倒羅浮宮的相，即使靚也不會發起癲來，可能個天也不想我再浪費了，幫我一把啦............
show少少先..............
很愛這張，但肥佬的咀很怪........
很喜歡這幅牆上的籬笆......
呢幅唔知點解覺得有些古典感覺........
這幅太美了!! 個構圖!!
行沙灘中的最喜愛!!
青馬橋唯一的黑白照.......
拍攝當天的最後一張相，完美結束!
由6月10日延遲到8月1日，羅浮宮結婚相終於影咗了!!
只有20張相的plan，今日大大話話影了200張，唉........都唔知點揀喇!!
肥佬同我講到明，zara加咗咁多錢，羅浮宮呢輯唔准扭計加相!! 我都贊成，仲同佢講，如果到時我要加相便 "dou巴戥"我等我清醒d!!如果係都要加相，就我自己俾錢!! (哎呀....講到咁死o添....冇彎轉了
)
大比併--化妝
相比zara，羅浮宮的MUA化妝技巧都唔輸蝕，zara的Dickie手藝就好純熟同高技巧，好detail。今日serve我的Cathy，都好細心，好有心機替我化了一個輪廓妝，佢替我set好哂頭，落埋頭紗，ready之際，佢覺得我d頭髮都係短咗d個髻細舊咗唔好睇，佢拆哂d嘢再幫我set多次，唔求其o家 (雖然我只是coupon加好少錢upgrade咗)。呢part不相伯仲，如果dickie有10分，cathy都有8.5分!
大比併--Accessory
羅浮宮真係多好多!!
淨係耳環俾我揀都廿幾對，頭飾先問咗我要什麼款，我說 "羽毛款"，佢都攞咗5-6個不同款的俾我揀。我揀咗其中一款，但覺得個feel唔夠輕，佢base on呢個款又再摷咗一批俾我再揀，真係幾好! 呢part羅浮宮贏好多
大比併--衫
女仔的選擇zara的較新較靚! 男仔的我就覺得羅浮宮多些又靚一些。肥佬一件黑一件白，兩隻色都各有3、4款選擇，呢part打和啦。
大比併--攝影技巧
影相方面，功力就......始終不及zara的Arden! CDL太standard了!! 場景是十分十分之多的，但教我地擺的post........來來去去都係三四個! 真係三四個咋冇俾少佢!!
1) 對望 2) 男望我我望鏡 3) 兩個人互望 4)單人
15-16個場景，有d我根本唔鐘意....但佢一定要我影，話 "影咗你可以唔揀家嘛".....真係"啤"一聲!
遊樂場的木馬，我超唔想坐......佢又要我坐。兩個舉高手"yeah"呢d娘嘢..........我最憎，又要人做。o個推BEAR BEAR咁多塵又要影......電單車又要影，其實我都唔會揀呢D景。
綜合來說，羅浮宮的攝影師可以叫做 "做熟哂"，好快手。但有些位都少少求其 ，冇Arden咁 "堅持"同 "執到正"，攝影呢part，zara贏!
不過最後都係呢句，影得modern又好，standard又好，相裡面o個個係你，都好難要自己忍手...............
錢錢錢錢，我要忍手!!
8 月8 日便揀相，我大日子9月21日，其實趕唔切結婚日show出唻，都好，俾定個借口自己唔好揀咁多，不過佢地都話會盡趕張油畫給我先。下個星期六，希望唔使太出血啦!!!
，終於到手了!!
