唔開心呀!
原本期待住呢個星期六去CDL影多輯結婚相，上個星期仲走去揀好哂d衫o添。今晚肥佬告訴了我，他明天突然要到上海工幹，下個星期二先返唻，影唔倒相了!!
冇計啦工作要緊，唯有打電話去CDL度講延期，點知已經full得好緊要，一延便是8月1日。
我BD在9月21日，佢地話一定攞唔切相的了，最多替我趕起幅油畫先
唉...........失望呢!!
2009年6月23日星期二
2009年6月20日星期六
羅浮宮結婚相--揀衫記(有相)
唻緊6月27號就影羅浮宮呢輯結婚相喇，今日下午去咗揀衫。
原來我個PLAN係兩套都是WG唻的，仲以為係1WG+1EG o添，不過咁樣仲好，因為ZARA o個輯我揀咗好多晚裝款，成輯相感覺唔係好似婚紗相，而家兩件WG正合我意。
個SALES姐姐俾咗4大本相簿我揀衫，要我先揀5件出唻試，佢就會知我鐘意同真係襯我的style是什麼了。我仲諗住花多眼亂實好難揀o添，點知用咗10分鐘便睇哂4本相簿。真係好難揀，因為D婚紗款又舊又唔特別，我都揀唔落手
反正揀唔落手，我唯有揀D我從來都唔會嘗試著上身o既款式唻試下，例如蛋糕裙款、有公主肘的紗裙款、A-line款。(後尾試上身，真係超唔得!!!!)
諗下諗下，好似爭咗d喎? 就係最新o個批 "徐淑敏款"的衫，我上次在尖沙咀店加錢upgrade o個陣個sales話可以揀埋o家。我再問番之下，個姐姐先話 "係呀可以揀o家"，先攞出唻俾我睇再補飛話 "我都諗住攞俾你睇o家喇"............車............假到死!!
徐淑敏o個d就真係靚好多，我全部試哂，再加埋之前o係o個4本度揀出唻的，都有試咗成十幾件。有一件小小泡泡地的婚紗我一著便confirm了，個姐姐都話 "呢件係皇牌"，有少少a-line感但又有少少鋼紗感，好多人都喜歡。
另外有一件少少酒紅色的徐淑敏deep V A-line婚紗，因為個款好似EG，個sales話D相出到唻兩件衫對比可以大D，以佢o既角度揀呢件同之前o個件泡泡款，咁樣最好喎。我男友都話呢件好靚 (佢好少俾意見o家)，但係呢件超大露背 (去到pad pad)，個DEEP V 又要真空上陣，我唔係太接受。我問個姐姐有冇D類似呢件但唔係咁大露背的? 咁啱原來徐淑敏款的婚紗真係仲有件露背的A-line款，但個背度有塊透視網紗包一包住，前面的detail位都做得好好，呢件就feel comfortable好多喇!!
最終2件quota都揀哂徐淑敏款。就係o個件小小泡泡地的起鋼A-line，同埋呢件透視露背。
成個過程都唔俾影相，所以冇相睇........
因為我呢d係酒樓coupon再加錢upgrade的平plan，去到尾聲，個sales梗係再諗住殺我一殺啦，sell埋花球、加多套衫、男仔upgrade套禮服.......等等等等.......。我的budget全部奉獻哂俾zara了，真係 "幫佢唔倒"，全部say no，不過佢都唔會勉強我。
今日整體唻講，service唔算好高分，而且原來男仔冇衫揀住，影o個日先揀同fitting! 我男友都話 "我彩正式o個輯相唔係揀呢度影，d service唔係好貼心，zara真係好好多!! "
不過我都仲係好期待唻緊星期六的羅浮宮姞婚相，我又要努力我的毛巾操了!!
揀了的泡泡款A-line
揀了的透視露背A-line
放棄了的deep v 大露背
2009年6月18日星期四
ZARA看執相(二)
今晚去了ZARA看第二次執相。
上次看過哂80張相，我揀了27張要finetune的出唻mark down要求。今天再看，zara只會show要再返執的那27張出唻俾我睇。
hehe，好開心呀，上次我提出的 "騎呢" 要求:
執走馬路上的巴士、執得個海 "一望無際" d、執走著完高踭鞋後腳踭的泛紅位........
佢地全部都執哂呀
用咗 30分鐘我便簽字作實 "收貨"了，之後佢地會進行美編，到時再返唻睇下美編得的效果，希望快d有得睇啦。
我應承咗佢地可以把相放上他們的網頁，同埋俾佢地用唻玩ESD life的比賽，博佢再替我再執靚d輯相嘛
2009年6月12日星期五
工作的無奈 (續)
今天的工作心情更為沉重。
以我為首的研發部，年前的 "一行九人"，到今年六月的 "一行兩人"，座位分佈由 "井" 字變成 "日"字。
今天，剛收到消息，7月10日後，會由 "日"字變成 "口" 字。
我的戰友相繼的 "捨我而去"。
上一次post出那篇日誌，有blog友說 "你份工一定好難頂"，我都在想，是不是真的這樣?
我在公司裡的職級，老實說是頗為受重用的。而部門轄下的teammates，你說是否個個人也一定很有發展的空間，那當然是 "不"。工作表現固然重要，人際關係更加不能忽視。
- 博士級的學歷銜頭，同事相處也採用高人一等的態度，不能於公司生存。
- 只有勤力而缺乏 "話頭醒尾" 的能力，那做來做去也不能上到senior grade。
- 常想著 "我工作表現很好，公司應加我人工"，一有機會便轉達給上司知道。上司不是盲的，這些人，加薪幅度一定比默默耕耘的人來得少。公司要裁員，你再有能力也第一個開除你。
我的teammates當然存在這些人，某些人說走，我不會過問的，是否 "要留" 會交由老闆決定。我會覺得 "枝葉清除了"，不會阻礙植物生長之餘反而會長得更高。
九個人的一條team，已走了的我是不甚可惜的，唯獨那個7月便會離開的最後戰友，我確實是覺得很可惜。
但她認為自己找到更好發展的工作，我當然又會祝福她，以其工作能力而預計，去到那裡也會成功。
在還請不到人的這個時候，我這個孤獨的"口"字，現在每天也很默默耕耘地工作，不能令整個部門停頓下來呢，很大壓力!!
唯有在blog上紓發一下................
2009年6月8日星期一
ZARA看執相(一)
今日期待咗好耐了! 去ZARA睇 first edit呀
專登攞咗半天假，早些上去zara慢慢睇。我約埋嘉穎同朱古力一同去(肥佬要工作冇陪我去呀)，因為佢地都係join咗 ZARA影的。三個人睇得清楚d有咩要再執漏嘛。
不過真係好好笑，我地一路scan d相，其實驟眼看下去，包包面肥手臂一早便幫你執走咗，看似冇乜嘢執，但三個人六隻眼，意外咁發現左d 好好笑o既位，而且，picky的我向執相的姐姐提出了好多 "令她唔知好嬲定好笑"的要求，哈哈:
- 我地花了很多時間看外景的大石有沒有寫上粗口的塗鴉、海中有沒有飄浮著的檸檬茶盒同M巾、草地有沒有昆蟲.....
- 在欣澳沙灘大樹下的一張，兩個主角比例都好細冇乜嘢執，執相姐姐都話 "冇嘢要執呀呢張?"﹐但我地死都要好仔細咁睇，終於發現了地上有個垃圾紙杯! (吹咩! 哈!!!!!)
- 有一張朱古力的鞋底少少朝天，我地要求執乾淨個鞋底，同"拉番高"佢對襪!!
- 有一張我嫌肥佬的眉太粗，要佢替他"修眉"，及執細佢少少嘟起的咀唇 (不過佢話咀唇執唔倒)
- 在欣澳站在海中浮木的那些，很遠的背景是馬路，我要求把所有的巴士執走
- 有一張我條裙的閃石帶跌了膊，我要求"KEY" 番上膊頭度
其實個姐姐開頭覺得我地有少少煩o家都 (咁呢個係事實唻)，但後來佢見我地的要求真係出乎佢所意料，佢自己都笑，氣氛都好好呀，結果用咗兩個零鐘便mark低哂我地兩輯相的執漏位了。
下個星期四再睇下今天所要求的執得好唔好，如果ok的話再睇埋尾編，ok埋的話過多一個月便有相攞了!!!
WOW!!
今日就偷影唔倒了，再過多個零月啦，便可以光明正大地post出唻喇!!
租衫記--裙褂
今日去咗上海街睇裙褂。
我唔喜歡cocoon的新潮褂款式，喜愛傳統style
。之前做了資料蒐集，講唻講去ESD life的姊妹都係話上海街的"永隆"、"錦發" 或者 "美華"之爭。
去咗"美華"睇先，好多褂放哂o係度，問咗個老闆娘有咩好介紹，佢話 "好難講個喎，自己睇相啦"。我係行外人，真係唔識睇咩大五福小五福有幾大分別。見佢都唔算好so 我，我問低咗就咁租同租頭褂的價錢分別便走了。
再掃落"錦發"，呢間賣d嘢雜雜地，門口仲有棉胎同紅白藍膠袋賣o添!! 舖內有二女一男。我問其中一個老老地的阿姐:
"我想睇褂點樣睇?" (因為除了display的一金線、一水晶褂外，乜嘢大小五福、褂王褂后都冇show)，佢答我:
"就咁睇囉，唔係點睇!"
哈?! 好..........我答 "我就咁睇，乜都睇唔倒，咁代表你有冇得租褂吖???"
個阿姐又冇嬲我"吉"佢喎，反而態度好哂 (可能受硬唔受軟)，話 "咁我俾相簿你睇下吖，嗱...呢件咪xxx，呢件係xxx..........."。
呢間錦發多款過美華，除大小五福外還有中五福，褂王褂后同水晶褂。價錢梗係褂王>褂后>大五福>中五福>小五福，水晶褂便沒有問了。(其實我覺得水晶褂靚o家!)
阿媽之前講過件褂要"勁" d 唔好失禮人，但勁d即金d，金d又會娘d，我煩緊揀乜款之際，變得好helpful的阿姐叫我 "試下啦又唔使錢，試上身我幫埋眼!"
我揀咗中五福同大五福試上身，阿姐攞了客人新造但未攞的褂給我試，一試之下都係中五福襯自己多d，大五福的金絲銀線好似多了點，我覺得老氣少少。helpful阿姐都話 "你著中五福好睇d呀" (都幾老實吖，佢sell我大五福會租得貴些o家)。
到問價錢，呢間貴過美華少少，租$590造頭褂$13xx，我問佢不是頭褂的話，個新淨程度去到邊? 佢取出一件 "for租" 的給我看，真係殘d 囉! d 紅色位退退地，金線位又疏咗dd。我問佢有冇計，我唔想專登用千幾蚊做套淨係早上著一著的褂嘛。
佢就建議我租一些只穿過一兩次的新褂 (原來暗地裡佢地有咁分的)，貴少少啦要 $780 (本來$980)，佢左摷右摷，終於搵倒件佢所講的 "只穿過一次的中五福" 給我，真係好新淨的，而且上一手個新娘可能都係細細粒，我試上身仲有少少收腰效果o添!
最後都幫襯了錦發這位阿姐，冇再掃落永隆了。阿姐還送了上頭睡衣給我! (雖然我知佢個個都送)
<<我件中五福，冇化妝不show樣 
>>
<< Fout走了的大五福，把我顯得太老了!! >>
2009年6月3日星期三
工作的無奈
我在公司裡，身處產品研發部，部門一行九人。
負責develope skincare產品的有二人、負責develope oral supplement的有二人、產品quality control有二人、產品功效評估有二人、計埋我呢個"乜都要經你去做"一人，工作坐位本是一個井字。
上年8月，走了三人，得番六個人，坐位變成用字。
上年12月，再走兩人，得番四個人，坐位變成田字。
餘下這四人:
skincare developer一人、oral supplement developer一人、產品功效評估一人、"乜都要經你落手落腳去做"(即本人)一人。每個人的工作，一人一範，已經是不能再加插的了。
5月1日，我的兩個developer 一起resign了。
天呀........................skincare同oral supplement，呢兩樣咁重要的工作，同時間要落在我的身上了。
6月1日，他們last day了。我與餘下的一位戰友，坐位............如今，是一個日字。
希望在我未做死之前，盡快請番個人，把工作坐位，起碼都變番個品字啦，唉...................
無奈!!!
2009年6月1日星期一
阿基的婚禮
昨天是好友基與Fannie的結婚大日子。
天公造美，沒有一點雨水，果然受到"神的恩賜"!
在教堂，我為他們唱了一曲"矢志不渝"，好唔爭氣，第一句走咗少少音，好彩打後都唱得不差，佢地好開心呀，我都幾感動，有點熱淚盈眶。
這天還見到將會為我當天拍攝婚禮的freelance攝影師 FRANKIE，佢show咗早上為新人去青衣公園拍下的戶外婚照，真係好好好好有mood呀，果然冇揀錯! 希望Fannie都話我冇介紹錯啦!
晚宴設於黃埔海逸，條迴旋樓梯真係值回票價，最衰掛住打麻雀冇影相呀。
阿基為氹老婆真係花盡心思，自已作曲填詞彈結他，拍埋MV送給老婆，內容雖然睇到我毛管棟，不過呢份誠意真係好可嘉!!
獻唱小組 (saxophone手、司琴、男音、同我女音)
Fannie & Kay致言中....
席前的拍照靚靚佈景
Match-in完上台致謝，Fannie套WG好閃呀!又是Vannesse L.出品...
送99支花? 一定有的了
~~基& Fannie，祝你地幸福快樂!!~~
訂閱：
文章 (Atom)