2009年過去了......我生命中重要的一年。
出嫁的一年
迎接2010年的這晚,老公要到工展會工作,我像師奶一樣於工展會買嘢食,等候老公放工。
我們漫無目的地於銅鑼灣遊蕩,迎接新一年的一刻。到了11:20pm,好多人,我最唔鐘意迫車,諗起過咗12點後迫回家的情況就驚..................把心一橫,走!
結果於家中倒數了,都好,攬住個女一起倒數。
倒數後,於2010年做的第一件事,是在家看了一套鬼片! 哈哈!!
各位,2010年了,祝大家每天都是快樂的,身體健康!
2009年過去了......我生命中重要的一年。
出嫁的一年
迎接2010年的這晚,老公要到工展會工作,我像師奶一樣於工展會買嘢食,等候老公放工。
我們漫無目的地於銅鑼灣遊蕩,迎接新一年的一刻。到了11:20pm,好多人,我最唔鐘意迫車,諗起過咗12點後迫回家的情況就驚..................把心一橫,走!
結果於家中倒數了,都好,攬住個女一起倒數。
倒數後,於2010年做的第一件事,是在家看了一套鬼片! 哈哈!!
各位,2010年了,祝大家每天都是快樂的,身體健康!
一星期前終於收到攝影師FRANKIE的相片了,真係朝思暮想!
講真的,我並不太期待GROUP PHOTO及STANDARD PHOTO,我至為期待的始終是SNAP,不然我也不用找FRANKIE啦。
果然是沒有令我失望,SNAP很有FEEL,而且經常catch到真情流露的照片,我很滿意!!
去片.................
姨甥女琳琳
辛苦你們了,姊妹!!
老公,辛苦喇!
宣讀時的一刻
老公的"麻麻"也很感動!
最愛的snap!!
多謝老公的一曲
媽咪敬酒時也很high!
好期待睇埋個video,仲要遲一d先有呀!
婚後兩個多月,我還在不斷執拾擺放在家的雜物。雖是 "雜物",但其實講緊的是朋友送給我的結婚禮物、結婚用過的物件,多得很!
執拾期間,突然看見一個包著花紙的方形禮物。沒有卡仔附著,誰給我的?
問老公,他看一看說: 是當晚酒席後結帳時,鴻星送給我們唻屈利是的禮物。
我心想,唔係嘛........酒樓相贈的結婚禮物,必定是一雙碗、一雙匙羹同兩對筷子,全部紅色那種!! 乜仲興o既咩?
老公說: 放心啦,我只係用咗一封廿蚊的利是換回來。
(老公說因為結帳時見d員工咁幫手,已經再醒咗一大疊利是給他們,經理同主任級的每人再醒咗成舊水 tips了,但他們還出盡辦法索取更多,所以谷鬼氣只給廿蚊換了這份禮算了。)
我聽罷,照拆花紙打算收起這些 "碗筷"。誰想到,一拆開,竟有意外驚喜!!
原來不是碗筷,是個仿真皮的首飾盒!! 而且間格四正,可裝耳環、戒指、項鍊,還有面鏡子及暗格放些更重要的首飾。
廿蚊換回來,很好呀!!!
我把 "朱耳醒" 級別的首飾全都放在這個盒仔中,非常實用,多謝鴻星! (我諗佢地拆開封利是見倒只有廿蚊,實暗罵我地兩公婆弧寒啫,算了,反正聽唔倒)
美容展一走,SOGO THANKFUL WEEK又唻啦!!
點解要逼我呢.............................我冇哂錢點供樓呀! 但半年一度,唔行又唔得!AMANDA就好啦,自由身WEEKDAY唔使返工,佢怒買完啦,JELLY BEANS又有JILL STUART又有........真係羨慕死。
星期六日我又唔想去,逼死! 幸好上星期五,有公事下午要去銅鑼灣一趟,想起了仍然是SOGO的THANKFUL WEEK,一於去"行下"。
估不到不是WEEKDAY都可以多人成咁! 不過有好多也是自由行唻。化妝品不是我杯茶,一樓可SKIP! 我主攻是衫,二三樓是大本營,我待在這兩層2個幾鐘,分不清自己在哪個牌子的counter了。
最後睇中了一條連身裙,覺得cutting特別我未見過,又是明年大熱的紫色,$600減到$150,買!
另一戰利品是件vintage款短絨褸,斜拉鏈設計,$900減到$150,又成交了!!
sales哥哥話,頭幾天好多型仔款,成千蚊都減到200蚊,不過俾d師奶買哂!!! (eee...佢地著咩型款先得格)最後一天,佢話會再返多批衫,佢收倒風有幾件"好嘢",3000幾,只會賣$299! 叫我早d唻,唔係又俾d師奶搶走了。算啦,last day係星期日,咁鬼逼,我唔會再唻了。
都好吖,美容展+ sogo thankful week的大引誘,都只是令我花掉了$500蚊。好啦好啦,呢個月有錢供樓喇,唔使擔心呀老公!
戰利品之連身裙
戰利品之vintage短褸仔
上周又係一年一度的亞太區美容展,一連氣行了三天,工作之餘又可睇靚嘢、買抵嘢。
行了8年美容展,身經百戰見慣世面,當然可以忍手不會盲目怒買,但眼見第一年參觀此展的同事們,雙眼發光兩手戰利品,也是很理解的,畢竟自也 "年輕過",hehe!!
冇計,每年的美容展幾百個展位,display的全都是女性扮靚恩物,而展會last day last 3 hours的 "sample for sales" 搶錢環節,每人也看準時機一手交錢一手交貨。
$120/支的professional use靚甲油,現售$120/ 5支﹔$60一支有成80ml的透明質酸保濕精華仲要是made in Swiss﹔2010年先推出的法國香水$50蚊一支.........真係好鬼難忍手。
兩年前以100蚊買的一SET ALL-INCLUDED化妝掃,非常好用,是今年推介給同事的必買之選。
行咗咁多年,我買嘢已經謹慎好多了。去到"很值"的level先買,指甲油仍然是必選之一,可惜OPI今年竟然"NOT FOR SALE" ! 冇計啦個BRAND紅咗了。
今年收獲,有近排勁愛的閃粉炭灰色甲油($20)、實用的手皮腳皮修護套裝($70)。但講到最喜歡的收獲,還是這個睫毛界至出名的品牌"MODEL CO."的電動睫毛棒! 俾我以超抵價$50蚊帶回家了。用了2天,效果超讚! 想要點樣o既curve都可以,效果好似痴了假睫毛一樣,很棒呀!!
結婚一個月多了,攝影師FRANKIE還未給我BIG DAY之照片呢,不過佢出名喜愛後期的執相工作,我都唔敢催佢,希望佢能替我執得好D啦!
今天在看FRANKIE的BLOG,好開心!! 他把我BIG DAY當天的某些照片率先放上去了。(這是他的習慣,完成一次工作後會把當天的點點滴滴和自我感受記下)
望梅止渴,他萃取出來的二十多張照片,足以讓我開心了一個下午呢!!
我又再細味起當天來.............
等候老公接的待嫁新娘!
爸爸替我拉上裙褂的拉鏈,不知為何很想哭!
多得這班可愛的好姊妹,為我接新娘搞盡氣氛!
她們在做什麼? 我在房內聽得心癢癢呢!
老公毫不能反悔之下簽定了這份"自願成為賓仔的終身合約"了....
金較剪一落,終於到我出來了! 哈哈!!
出門了,準備登車
來個大合照先! 人太多,只能取這個角度...
情不自禁?! 不是啦,攝影師要求的
=====================================================================
晚上,我忙於轉妝換衫,也不知道FRANKIE拍下這樣有味道的SNAPSHOT!
恩愛的一對小MON!
代表承諾的一對婚戒
我也來一張先!
=====================================================================
看完成長片段,進場了.................
教我回味的掌聲及禮炮聲!
我一生中重要的一刻...............
======================================================================
驚喜萬分的一首歌和一束花...
收到情歌及99玫瑰,萬分風騷呢!! 飲杯!!!
====================================================================
20幅照片,每一格對我來說,也是重要的。
希望你也感受到我的喜悅吧。